وسىدان ءتورت كۇن بۇرىن  قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى 2017 جىلدىڭ 9 ماۋسىمىندا «مەملەكەتتىك ءتىلدى وقىتۋ ءادىسناماسىن جەتىلدىرۋ مەن ستاندارتتاۋدى ىسكە اسىرۋ جولدارى» تاقىرىبىندا رەسپۋبليكالىق ونلاين سەمينار وتكىزەدى، - دەپ حابارلاعان بولاتىنبىز. وسىعان وراي  تاراز قالاسىندا  رەسپۋبليكالىق ونلاين سەمينار ءوتتى. اتالعان ونلاين سەمينارعا قاتىستى قازاق ءتىلىن وقىتۋ ادىستەمەلەرى جايىندا قىزىلوردا وبلىسىنىڭ تىلدەردى وقىتۋ ورتالىعىنىڭ وقىتۋشىسى اسەل ماناسقىزىمەن Abai.kz اقپاراتتىق پورتالىنىڭ مەنشىكتى ءتىلشىسى از-كەم سۇحبات قۇردى.

-اسەل ماناسقىزى، بۇگىنگىدەي اقپاراتتىق تەحنولوگيا قارىشتاپ دامىي باستاعان زاماندا ونلاي-سەمينارلار وتكىزۋدىڭ ءتيىمدى جاقتارىن قىسقاشا ايتىپ بەرە الاسىز با؟

-ارينە، قىسقاشا ايتىپ بەرۋگە بولادى. نەگىزى «مەملەكەتتىك ءتىلدى وقىتۋ ءادىسناماسىن جەتىلدىرۋ مەن ستاندارتتاۋدى ىسكە اسىرۋ جولدارى» تاقىرىبىندا وتكەن رەسپۋبليكالىق ونلاين سەمينار نەگىزسىز ۇيىمداستىرىلعان جوق. بۇل ونلاين سەمينار قر-داعى تىلدەردى قولدانۋدىڭ  2011-2020 جىلدارعا ارنالعان مەملەكەتتىك باعدارلاماسىنان باستاۋ الادى. ءبىز وسى ۋاقىتقا دەيىن قازاق ءتىلىنىڭ جەتىلدىرۋ باعىتىنداعى ادىستەمەسى  جاساپ، جيىندار وتكىزىپ جۇرگەن بولساق، ەندى سولاردىڭ ءبىر جيناقتالعان نەگىزىن  جاساۋعا كوشتىك. قازاقستاندا العاش رەت تىلدەردى جەتىلدىرۋگە بايلانىستى ونلاين سەمينار وتكىزىلدى. فورماتى دا ەرەكشە. اتالعان ونلاين سەمينار قارجى جاعىنان الىپ قاراعاندا وتە ءتيىمدى بولىپ كەلەدى. سەبەبى، 100 ادامدى شاقىرىپ سەمينار وتكىزۋ قانشاما قاراجاتتى تالاپ ەتەدى؟ بۇل مەملەكەتكە ءبىراز شىعىن بولار ەدى. وسىنداي ونلاين سەمينار وتكىزە  الاتىن 10 جىلدىق تاريحى بار ورتالىقتاردىڭ ءبىرى تاراز قالاسىندا»، -دەپ ءوز پىكىرىن ءبىلدىردى اسەل ماناسقىزى.

- اسەل ماناسقىزى، ونلاين سەمينار جىلىنا 4 رەت وتكىزىلىپ تۇرادى؟

سونىمەن بىرگە ونلاين سەمينار جىلىنا 4 رەت وتكىزىلىپ وتىرادى ەكەن. تاراز قالاسىندا وتكەن ونلاين سەميناردا 12 مەملەكەتتىك ورگان عانا قاتىسا العان. ەگەر قاتىسامىن دەۋشىلەر بولاتىن بولسا قاتىسۋشىلار سانىن ارتتىرۋعا بولادى دەپ تە ايتىپ ءوتتى.

قىزىلوردا وبلىسىنىڭ تىلدەردى وقىتۋ ورتالىعىنىڭ وقىتۋشىسى اسەل ماناسقىزىنىڭ پىكىرىن قولداعاندار سەمينار وتكىزۋدىڭ بۇگىنگى ءتيىمدى جولى ونلاين سەمينارلار وتكىزۋ ەكەندىگىنە توقايلاستى.

Abai.kz