استانا قالاسىنىڭ جەرگىلىكتى پوليتسيا قىزمەتى 25 قاراشا مەن 10 جەلتوقسان ارالىعىندا مۇددەلى مەملەكەتتىك ورگاندار جانە ۇكىمەتتىك ەمەس ۇيىمدارمەن بىرلەسىپ  «زورلىق-زومبىلىققا قارسى 16 كۇن» اقپاراتتىق اكتسياسىن وتكىزەدى، دەپ حابارلايدى اباي اقپارات اگەنتتىگى.

ءىس-شارانىڭ نەگىزگى ماقساتى - زورلىق-زومبىلىققا ۇشىراعان وتباسى مۇشەلەرىنە پسيحولوگيالىق، قۇقىقتىق كومەك كورسەتۋ، وتباسى قۇندىلىقتارىن ارتتىرۋ، زورلىق-زومبىلىق قۇرباندارىن وڭالتۋ بويىنشا قىزمەت كورسەتۋ، سونىمەن قاتار حالىق اراسىندا قۇقىقتىق ءتۇسىندىرۋ جۇمىسىن وتكىزۋ، تۇرمىستىق قىلمىستار مەن قۇقىقبۇزۋشىلىقتاردىڭ  الدىن الۋ بولىپ تابىلادى.

اتالعان اكتسيا اياسىندا ل.ن.گۋميلەۆ اتىنداعى ەۆرازيا ۇلتتىق ۋنيۆەرسيتەتىندە  استانا ق. ءىىد جەرگىلىكتى پوليتسيا قىزمەتى، بىرىككەن ۇلتتار ۇيىمىنىڭ گەندەرلىك تەڭدىك جانە ايەلدەردىڭ قۇقىقتارى مەن مۇمكىندىكتەرىن كەڭەيتۋ «بۇۇ-ايەلدەر» قۇرىلىمىنىڭ قولداۋىمەن جالپى ايەل ازاماتتاردىڭ قۇقىعىن، ەركىندىگىن، زاڭدى ىقىلاستارىن قورعاۋعا ىنتالى، مۇددەلى بارلىق ءتيىستى ورگاندار اتاپ ايتساق جەرگىلىكتى اتقارۋشى بيلىك وكىلدەرى، استانا قالاسى اكىمىنىڭ جانىنداعى ايەلدەر ءىسى جانە وتباسى دەموگرافيالىق ساياساتى جونىندەگى كوميسسيا مۇشەلەرى، قۇقىق قورعاۋ ورگاندارى، مەملەكەتتىك مەكەمەلەر سونداي-اق ۇكىمەتتىك ەمەس ۇيىمدار جانەدە بۇقارالىق اقپارات قۇرالدارى جيىلعان كەڭەيتىلگەن دوڭگەلەك ۇستەل وتكىزدى.

«پوليتسيا ايەلدەرگە وتباسىندا زورلىق-زومبىلىق كورسەتۋشى تۇلعالارمەن دە سونداي-اق كۇش كورسەتۋلەردىڭ قۇرباندارىمەن  دە بىرلەسىپ ارەكەت ەتەتىن ەڭ ءبىرىنشى، كوپ جاعدايدا جالعىز عانا الەۋمەتتىك ينستيتۋت بولىپ تابىلادى»، - دەدى جپق باستىعى باقىتجان مالىباەۆ.

ءىس-شارانىڭ قورتىندىسىندا ۇكىمەتتىك ەمەس ۇيىمدار مەن جەرگىلىكتى پوليتسيا قىزمەتى الداعى ۋاقىتتا ىنتىماقتاستىقتا جۇمىس جاساۋ تۋرالى مەماراندۋمعا قول قويدى جانە بىرقاتار مەملەكەتتىك ورگانداردىڭ جەتەكشىلەرىمەن، ۇكىمەتتىك ەمەس ۇيىمدارعا العىس حاتتار تابىس ەتتى.

دوڭگەلەك ۇستەلدى ستۋدەنتتەردىڭ قىزعىلت ءتۇستى شارلارمەن، ءبىز زورلىق-زومبىلىققا قارسىمىز اتتى فلەش-موبى اياقتادى.

Abai.kz