قازاقتىڭ قابىرعالى قالامگەرى مۇزافار الىمباەۆ 94 جاسىندا باقيعا اتتاندى. Abai.kz اقپاراتتىق پورتالىنىڭ ۇجىمى اقىننىڭ تۋعان-تۋىستارىنىڭ، جاقىندارىنىڭ، جالپى قازاق وقىرماندارىنىڭ قايعىسىنا ورتاقتاسىپ، كوڭىل ايتادى. جانىڭىز بەيىشتەن ورىن السىن، مۇزاعا! 

ۇستاز  ەدى  باۋلىعان  ونەرگە ەلدى،

جاڭبىرىنان جاس وركەن كەنەلگەن-ءدى.

جەلە جورتىپ جىراققا كەتكەن كيە

قايتا اينالىپ ەرتىسكە كەلەر مە ەندى؟..

اقىندار كوپ بيىككە بارام  دەگەن،

ول  –  قۇزارتتا،

بىزدەرگە  قالار بەلەڭ...

مۇزاعامدى اڭساۋمەن سىڭسيدى ءالى

مارالدى كول، مارالدى ءان، مارالدى ولەڭ!

توقسان ءتورت جىل ەل-جۇرتىن ارالاپ كەپ،

ول توقتادى «وسىعان قاناعات» –   دەپ.

سونسىن، جۇگەن، نوقتانى تورىنە ءىلدى،

«جىر پىراعىم  –  قازاققا امانات!»  –  دەپ.

جەلگە ۇرىنىپ  سارىالا جاپىراعىم،

جۇرەگىمدى جۇلمالاپ جاتىر اعىن!

كەلىپ تۇرمىن كەڭسايعا

مارالدىنىڭ

ءتۇيىپ الىپ ءبىر ۋىس توپىراعىن...

ءبىز  – پەندەمىز، ول رۋح بوپ الىستادى،

ءبىز  –  جەردەمىز، نۇر ەندى  ول عارىشتاعى.

كەڭسايدا وسى

كەلگەنشە اقىرزامان

امانات بوپ قالسىنشى ابىز ءتانى!..

ارمان قاني، حالىقارالىق «الاش» ادەبي سىيلىعىنىڭ يەگەرى

Abai.kz