قىزىلوردا وبلىسىنىڭ اكىمى قىرىمبەك كوشەرباەۆتىڭ تاپسىرماسىنا سايكەس، 23-24 قاراشا كۇندەرى بارلىق اۋدان اكىمدەرىنىڭ كاسىپكەرلىك سالاسىندا جەتەكشىلىك ەتەتىن ورىنباسارلارىنىڭ، قالالىق جانە اۋداندىق كاسىپكەرلىك ءبولىم باسشىلارىنىڭ، اۋىلدىق وكرۋگ اكىمدەرىنىڭ قاتىسۋىمەن كەلەلى جيىن ءوتتى. وبلىستىق كاسىپكەرلەر پالاتاسى مەن “كاسىپكەرلەرگە قىزمەت كورسەتۋ ورتالىعىنىڭ” جۇمىسىن كەڭىنەن تانىستىرۋ ماقساتىندا ۇيىمداستىرىلعان شارادا سالاعا قاتىستى بىرقاتار ماسەلە كوتەرىلدى دەپ حابارلايدى اباي-اقپارات اگەنتتىگى.

جالپى، وبلىستاعى تولىق فورماتتاعى كاسىپكەرلەر ۇيىندە بيزنەستى قولداۋعا ارنالعان بارلىق ينستيتۋتتار، مەملەكەتتىكجەكە مەنشىك ارىپتەستىك وڭىرلىك ورتالىعى، جوبالارعا ساراپتاما جاساۋ ورتالىعى، “قىزىلوردا” وڭىرلىك ينۆەستيتسيالىق ورتالىعى” ميكرو­قارجىلىق ۇيىمى، پروكۋرور كابينەتى ورنالاسقان. ءبىر سوزبەن ايتقاندا، ول – بيزنەس وكىلدەرىنە ارنالعان ءتيىمدى مۇمكىندىك الاڭى. بۇل جەردە كاسىپكەرگە ءوزىنىڭ بيزنەس يدەياسى مەن باستاماسىن جۇزەگە اسىرۋ ءۇشىن بارلىق جاعداي جاسالعان، ياعني مۇندا كەلگەن كەز كەلگەن تۇرعىن كەڭەس الۋدان باستاپ، كاسىبىن تىركەۋ، بيزنەس-جوسپار ازىرلەۋ، بىلىكتىلىگىن كوتەرىپ، جوباسىن قارجىلاندىرۋ سەكىلدى مەملەكەتتىك قولداۋدىڭ بارلىق تۇرلەرىنە ءبىر جەردەن قول جەتكىزە الادى. سونداي-اق، بيىلدان باستاپ ەلەكترمەن، سۋمەن، گازبەن جابدىقتاۋعا قوسۋ جانە قاجەتتى تەحنيكالىق شارتتاردى الۋ راسىمدەرىن جەڭىلدەتۋ ءۇشىن “كاسىپكەرلەرگە قىزمەت كورسەتۋ ورتالىعى” ءوز قىزمەتىن باستادى. ورتالىق ديرەكتورى قامار بەكەتوۆانىڭ ايتۋىنشا، بۇل جەردەن 10 ايدىڭ ىشىندە قالا، اۋدانداعى 6083 ازامات 12 354 كەڭەس العان. “بيزنەستىڭ جول كارتاسى – 2020” باعدارلاماسى اياسىنداعى 8 سەرۆيستىك قىزمەتتى الۋشىلار قاتارى ارتقان. “بيزنەس-مەكتەپ” كومپونەنتىنىڭ “بيزنەس-كەڭەسشى” جوباسى دا زور سۇرانىسقا يە.

– 10 ايدا 1460 ادام بىلىكتىلىگىن كوتەردى. “بيزنەس-ءوسىم” قۇرىلىمى دا وڭىردە تانىمال. رەسپۋبليكا بويىنشا جۇزەگە اسىرىلىپ جاتقان “باستاۋ بيزنەس” جوباسى قىزىلوردالىقتار اراسىندا جوعارى سۇرانىستا. بيىل 937 ازاماتتى وقىتۋدى جوسپارلاعان بولاتىنبىز. ءبۇ­گىندە 937 ازاماتتىڭ بارلىعى وقىپ، بيزنەس جوسپارلارىن قورعادى. ناتيجەسىندە قارجى ۇيىمدارى ارقىلى جالپى قۇنى 585,7 ملن تەڭگەنى قۇرايتىن 173 جوبا قارجىلاندىرىلىپ وتىر، – دەدى ق.بەكەتوۆا.

شارادا ماماندار بيزنەستى دامىتۋ ءۇشىن جاسالعان مۇمكىندىكتەردى اۋىل كاسىپكەرلەرىنە كەڭىرەك ءتۇسىندىرۋ جۇمىستارىن جانداندىرۋ قاجەتتىگىن قوزعادى. بۇگىنگى تاڭدا ءوز ءىسىن باستاعىسى كەلەتىن جاستاردىڭ جەكە بيزنەس اشۋىنا دا قولداۋ تولاستامايتىنىن، ولارعا قويىلاتىن تالاپ پەن بىرقاتار جەڭىلدىكتەردى دە تارقاتىپ ايتتى.

ءبىر سوزبەن ايتقاندا، قىزىلوردا وبلىسىندا “بيزنەستىڭ جول كارتاسى – 2020” باعدارلاماسى وسىلايشا جۇزەگە اسىپ جاتىر.

بەرىك امانحان

قىزىلوردا

Abai.kz