قاراعاندى وبلىسى ەكسپو-دا ۇسىنىلعان تەحنولوگيالاردى ەنگىزۋمەن اينالىسادى. ول جايلى ايماق باسشىسى ەرلان قوشانوۆ ورتالىق كوممۋنيكاتسيالار قىزمەتىندە وتكەن بريفينگ بارىسىندا حابارلادى.

-ەكسپو-دا ورتاعا سالىنعان تەحنولوگيالاردىڭ ىشىنەن قاراعاندى وبىسىندا 31 جوبا ءارى قاراي زەرتتەپ، ەنگىزۋ ءۇشىن ىرىكتەپ الىندى، - دەدى وبلىس اكىمى.

-مىسالى، قاراعاندى ءۇشىن ءبىز قوقىستى وڭدەۋدىڭ وڭتايلى تەحنولوگياسىن ىزدەستىرگەن بولاتىنبىز. بارلىق ۇسىنىلعان جوبالاردىڭ ىشىنەن ءبىز فين عالىمدارىنىڭ زەرتتەمەسىن تاڭدادىق. ول قوقىستى قالدىقسىز وڭدەۋدى قاراستىرادى. قازىر قالالىق كوممۋنالدىق قىزمەت وسى تەحنولوگيا نەگىزىندەگى قوقىس وڭدەۋ زاۋىتىنىڭ قۇرىلىسىن باستاۋ مۇمكىندىگىن قاراستىرىپ جاتىر، - دەيدى ەرلان قوشانوۆ مىرزا.

كەيبىر جوبالارعا ايماقتىڭ اگراريلەرى قىزىعۋشىلىق تانىتقان ەكەن. ەكى وسىمدىك ءوسىرۋ شارۋاشىلىعى جاڭا سۋ ۇنەمدەۋ تەحنولوگياسىن ەنگىزۋدى كوزدەپ وتىر.

-وبلىستا سونىمەن قاتار قايتا جاڭارتىلمالى ەنەرگەتيكا دامىپ كەلەدى. «بۇگىنگى كۇننىڭ وزىندە وبلىستا جاڭارتىلمالى ەنەرگيا كوزدەرى جىلىنا 4,6 ملن كۆت/ساع قۋات بەرەدى. كوپ ەمەس ارينە، الايدا بۇل جاڭا اۋقىمدى باعىتتىڭ تەك باستاماسى عانا. 2020-شى جىلعا قاراي ءبىز تاعى 6 جاڭا جاسىل ەنەرگەتيكا نىساندارىن ىسكە قوسۋدى جوسپارلاپ وتىرمىز. بۇل ەنەرگيا كوزدەرىنىڭ جالپى قۋاتتىلىعى 261 مۆت قۇرايتىن بولادى»، - دەپ مالىمدەدى ە.قوشانوۆ.

Abai.kz