قاراعاندى وبلىستىق «سارىارقا» ەركىن ەكونوميكالىق ايماعىندا يەنۆەستورلارعا بارىنشا قولداۋ كورسەتىلىپ جاتىر. بۇل تۋرالى "اباي اقپارات" حابارلايدى. 

قاراعاندى وبلىسى اكىمىنىڭ ورىنباسارى الماس ايداروۆ مىرزانىڭ ايتۋىنشا،  قازىرگى تاڭدا «سارىارقا» ەەا-عا قاتىسۋشىسى بولۋعا مۇمكىندىك جاسالىپ وتىر.رۇقسات بەرۋ پروتسەدۋرالارىنىڭ مەرزىمى دە قىسقارتىلعان.

- ءبىزدىڭ ەەا-تىڭ ارتىقشىلىعى قانداي؟ بىرىنشىدەن، بۇل ايماقتىڭ الەۋەتى – يندۋستريالدى الاڭ، شيكىزاتتىڭ بولۋى، ارزان ەلەكتر ەنەرگياسى. قازىر ءبىر ءاربىر ەەا قاتىسۋشىسىنا قاجەتتى جنەرگەتيكالىق قۋاتتىلىقتى ۇسىنۋعا دايىنبىز، - دەدى وبىس اكىمىنىڭ ورىنباسارى. – سونىمەن بىرگە ەەا قاتىسۋشىلارىن راسىمدەۋ – بىزگە ول مەرزىمدى ءبىر ايعا دەيىن قىسقارتۋعا مۇمكىندىك تۋدى. بۇل تاجىريبە جۇزىندە تەكسەرىلدى – قاتىسۋشىلار ول دەرەكتى راستاي الادى.

وبلىس اكىمىنىڭ ورىنباسارى الماس ايداروۆ مىرزانىڭ ايتۋىنشا، ءبىر اي كولەمىندە جەر تەلىمى بەرىلىپ، تەحنيكالىق شارتتار ۇسىنىلادى.
پوتەنتسيالدى قاتىسۋشىلار ءۇشىن بيلىك باسىنداعىلار ينۆەستيتسيالىق تاۋاشالار قۇراستىرعان ەكەن.

- ءبىز بارلىق تەلىمدەر بويىنشا ۇلەستىرۋلەر دايىنداپ قويدىق، قاي جەردە قانداي زاۋىتتار ورنالاساتىنىن بەلگىلەدىك. بۇل رەتتە وبلىسقا ەنگىزۋگە تۋرا كەلەتىن تاۋارلاردىڭ يمپورتىنا، سونىمەن قاتار تۇراقتى ءىرى كومپانيالار شەت ەلدەن ساتىپ الاتىن ونىمدەرگە سۇيەندىك. سونىمەن قاتار كەلەشەكتە نارىق قانداي ونىمدەردى پايدالاناتىنىنا بولجاۋ جاسادىق، - دەپ مالىمدەدى الماس ايداروۆ.

جاسالعان ساراپتامالار ءىرى گاباريتتى قۇبىرلار ءوندىرىسى، اۋىل شارۋاشىلىق ماشينالارىن جيناۋ، ليفت قۇرىلىسى، حيميالىق تىڭايتقىشتار ءوندىرۋ تەتىكتەرى ءالى جابىلماعانىن كورسەتتى. وبلىستا قۇرىلىس كلاستەرى قۇرىلعان، الايدا ءوزىمىزدىڭ بوياۋ-سىرلاۋ ماتەريالدارى جەتىسپەيتىنى بايقالادى. قازىر شەت ەلدەن گيدراۆليكالىق جانە كومپرەسسورلىق قۇرىلعىلار جەتكىزىلەدى، الايدا ونىڭ ءوندىرىسىن جەرگىلىكتى جەردە دە ۇيىمداستىرۋعا بولار ەدى.

«سارىارقا» ەەا اۋماعىندا قازىرگى تاڭدا 6كاسىپورىن جۇمىس ىستەيدى، تاعى 6 زاۋىت قۇرىلىس بارىسىندا.

جىل سوڭىنا دەيىن پاترون زاۋىتىنىڭ ءبىرىنشى كەزەگى ىسكە قوسىلادى دەپ كۇتىلۋدە. قۇرىلىستى تولىعىمەن اياقتاۋ 2018-ءشى جىلى جوسپارلانىپ وتىر. جوبانىق قۇنى – 22 ملرد تەڭگە. ءبىرىنشى كەزەڭدە تاپانشا وقتارى شىعارىلادى وبلىس اكىمىنىڭ ورىنباسارى مالىمدەگەندەي، قاجەتتى جابدىقتار ساتىپ الىنعان، قازىرگى تاڭدا ىسكە قوسۋ- رەتتەۋ جۇمىستارى جۇرىگزىلۋدە.

«سارىارقا» ەەا قر پرەزيدەنتىنىڭ جارلىعىمەن 2011-ءشى جىلدىڭ قاراشاسىندا مەتاللۋرگيا جانە مەتال وڭدەۋ يندۋستريالدىق پاركىنىڭ نەگىزىندە قۇرىلعان بولاتىن. ونىڭ قىزمەت ەتۋ مەرزىمى 2036-شى جىلدىڭ 1-ءشى جەلتوقسانىنا دەيىن دەپ بەلگىلەنگەن. ايماق 500 گەكتاردان استام اۋماققا سوزىلعان. ەەا قىزمەتىنىڭ باسىم باعىتتارى مەتاللۋرگيالىق ونىمدەردى جانە مەتال زاتتاردى ءوندىرۋ، ەلەكتروندىق جانە وپتيكالىق ونىمدەر، حيميالىق ونەركاسىپ، قۇرىلىس يندۋسترياسى دەپ انىقتالعان. ينفراقۇرىلىم دا سالىنعان: قۋاتتىلىعى 5 100 تەكشە مەتردى قۇرايتىن سۋمەن قامتۋ جۇيەسى جانە كارىز; ەلەكتر قۋاتىمەن قامتۋ - 486 مۆت; تەمىرجول ستانتسياسى.  ەەا قاتىسۋشىلارى سالىق جانە كەدەن جەڭىلدىكتەرىن پايدالانادى.

Abai.kz