دۇيسەنبى, 20 مامىر 2024
2993 0 پىكىر 5 قاراشا, 2017 ساعات 21:18

اليك شپەكباەۆ: سىبايلاس جەمقورلىق ازايىپ كەلەدى

قازاقستاندا سىبايلاس جەمقورلىق جاعدايى سوڭعى جىلدارى ايتارلىقتاي ازايىپ كەلەدى. بۇل تۋرالى استانادا وتكەن «تۇرمەلەردى ءتيىمدى باسقارۋ: باس بوستاندىعىنان ايىرۋ ورىندارىندا سىبايلاس جەمقورلىقتى جويۋ» ۇلتتىق جينالىسىندا قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى اليك شپەكباەۆ مالىمدەدى.

«قوعامدىق كەڭەس تۋرالى زاڭدى قابىلدانىپ، مەملەكەتتىك ورگان باسشىلارىنىڭ ەل الدىندا ەسەپ بەرۋ تاجىريبەسى ەنگىزىلدى. تۇراقتى تۇردە 200-گە جۋىق قوعامدىق كەڭەس جۇمىس اتقارادى. ءنورماتيۆتى-قۇقىقتىق قۇجات ازىرلەندى. ول قۇجات مەمورگانداردى قوعامدىق كەڭەستىڭ جۇمىسىمەن ساناسىپ، ولاردىڭ ەسكەرتۋلەرىن نازارعا الۋدى مىندەتتەيدى»، - دەيدى اگەنتتىك توراعاسىنىڭ ورىنباسارى.

اليك شپەكباەۆ ەلىمىزدە جەمقورلىققا قاتىستى جاعدايلاردى ازايتۋ باعىتىندا بىرقاتار قادامدار جاسالعانىن تىلگە تيەك ەتتى.

«ەڭ الدىمەن، 2015-2025 جىلدارعا ارنالعان ستراتەگياعا نەگىزدەلگەن جاڭا سىبايلاس جەمقورلىققا قارسى ساياساتتىڭ سەپ بولعانىن اتاپ وتكىم كەلەدى. سونىمەن قاتار، «قازاقستان-2050» ستراتەگياسىندا بۇل كەسەلدى اۋىزدىقتاۋعا قاتىستى ناقتى جازىلعان. اتالعان ستراتەگيالاردى ءساتتى ىسكە اسىرۋدىڭ ارقاسىندا ءبىز قازاقستاندا سىبايلاس جەمقورلىق جاعدايلارىنىڭ ازايىپ كەلە جاتقانىن باقىلاپ وتىرمىز. اكىمشىلىك كەدەرگىلەر، بيۋروكراتيالىق ۇردىستەر مەن ەڭ باستىسى جەمقورلىق جاعدايلارى ازايدى. بۇل رەتتە مەملەكەتتىك قىزمەت كورسەتۋ كەزىندە ادامي فاكتوردىڭ شەكتەلۋى ءوز سەپتىگىن تيگىزىپ وتىر. ەل تۇرعىندارىنىڭ قۇقىقتىق ۇعىمى مەن مادەنيەتى كۇشەيىپ كەلە جاتىر»، - دەيدى ول.

قازاقستان ستراتەگيالىق ينستيتۋتىنىڭ جاريالاعان سوڭعى زەرتتەۋ جۇمىستارى بۇل وزگەرىستى راستاپ وتىرعان كورىنەدى. جەمقورلىققا قارسى بەلسەندى تۇردە ارەكەت جۇرگىزىپ جاتقان ادامداردىڭ دا سانى ارتقان.

«بۇگىن ءبىز قازاقستاندا قوعامدىق بىرلەستىكتەرمەن، ساياسي پارتيالارمەن «سىبايلاس جەمقورلىقتان ادا اۋماق» قۇرۋدى ۇسىندىق. باستامامىزدى استانا قالاسىنىڭ اكىمدىگىنە ۇسىندىق. اكىمدىك باستاما اياسىندا «ادالدىق الاڭى» اتتى اكتسيا وتكىزىپ جاتىر. بۇل تۇرعىدا جۇمىس باستالدى. ايماقتارعا دا بارادى دەگەن ويدامىن. ماتەريالدىق تۇرعىدا كوتەرمەلەۋ ينستيتۋتى تولىققاندى تۇرعىدا جۇمىسىن كۇشەيتىپ، 2016 جىلى 167 ادامعا 21 ملن تەڭگەگە جۋىق اقشا تابىستالدى. بۇل كورسەتكىش 2015 جىلعىمەن سالىستىرعاندا 15 ەسە كوپ. ءبىزدىڭ ەلىمىز قۇقىقتىق مەملەكەت بولۋ جولىندا العا جىلجىپ كەلەدى»، - دەيدى اليك شپەكباەۆ.

ەسكە سالا كەتسەك، استانادا PRI (حالىقارالىق تۇرمە رەفورماسى) ۇيىمى قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىمەن بىرلەسە وتىرىپ، تۇڭعىش رەت «تۇرمەلەردى ءتيىمدى باسقارۋ: باس بوستاندىعىنان ايىرۋ ورىندارىندا سىبايلاس جەمقورلىقتى جويۋ» تاقىرىبىندا ۇلتتىق جينالىس وتكىزگەن بولاتىن. جيىنعا قاتىسۋشىلار تۇرمەدەگى سىبايلاس جەمقورلىقتى جويۋ ماسەلەلەرىن ورتاق تالقىعا سالدى. ۇلتتىق جينالىستا اليك شپەكباەۆ مەملەكەتتىك قىزمەتتەردىڭ ەلەكتروندىق ادىسكە اۋىسۋى ەلىمىزدە سىبايلاس جەمقورلىق جاعدايىن ەداۋىر ازايتقانىن ايتىپ وتىر.

Abai.kz

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2166
ادەبيەت

«سولاي ەمەس پە؟»

عابباس قابىشۇلى 2569
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2444
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1670