بۇل توپ ول ءۇشىن حالىق ديپلوماتياسى قولدانۋدى كوزدەپ وتىر. ۋمەتاليەۆانىڭ ايتۋىنشا، بيلىگىن تاپسىرعالى وتىرعان پرەزيدەنت ارتىندا مۇنداي اۋىر مۇرا قالدىرعانى دۇرىس ەمەس.

"سول ءۇشىن مەن ارنايى استاناعا بارىپ، "اق جول"" فراكتسياسىنىڭ جەتەكشىسىمەن كەزدەستىم. بۇل كىسى ماعان بۇگىن-ەرتەڭ تەلەفون سوعۋى كەرەك. ول قۇجاتتاردىڭ پرەزيدەنت اكىمشىلىگىنە تۇسكەنىن ايتتى. ءبىز اقوردادان قابىلداۋ كۇتەمىز", - دەدى ول.

12 ادامنان تۇراتىن توپقا قىرعىزستان مادەنيەت جانە ونەر قايراتكەرلەرى، بەلگىلى ساياساتكەرلەر ەنگەن.

قازاقستان 10 قازاندا شەكارادا تەكسەرۋ جۇيەسىن كۇشەيتتى، سونىڭ سالدارىنان شەكارادا ۇزىن-سونار كەزەك پايدا بولدى.

پرەزيدەنتتىك سايلاۋدا ءۇشىنشى ورىن العان وپپوزيتسيالىق ساياساتكەر اداحان مادۋماروۆ قازاق پرەزيدەنتى نۇرسۇلتان نازارباەۆقا ۇندەۋ جولدادى. وندا ساياساتكەر مەملەكەت باسشىلارىنىڭ جەكە رەنىشىنىڭ قاراپايىم حالىققا كەسىرى تيمەۋى كەرەكتىگى ايتىلعان

Abai.kz