تۇرىك اقپارات قۇرالدارىنىڭ حابارلاۋىنشا، ايىپتالۋشىلاردىڭ اراسىندا تۇركىمەن ازاماتى ىگتىيار انناەۆ بار. تۇرىكتىڭ Milliyet كۇندەلىكتى باسىلىمىنىڭ 15 قاراشادا حابارلاۋىنشا، بۇل توپ Bylock الەۋمەتتىك جەلى پلاتفورماسىندا جاسىرىن كەلىسسوزدەر جۇرگىزگەن. ايىپتالۋشىلار اراسنىدا سوت ۇيىمدارى مەن تۇزەۋ مەكەمەلەرىنىڭ قىزمەتكەرلەرى بار.

جاتاقحانالاردىڭ بىرىندە تاربيەشى بولىپ ىستەگەن انناەۆقا ايىپتار شىلدە ايىندا تاعىلعان. ول جانە باسقالارى تاعىلعان ايىپتاردى جوققا شىعاردى. رەسپۋبليكالىق تەرگەۋشى سوتتان 10 ايىپتالۋشىعا تۇرمە جازاسىن بەلگىلەۋدى سۇرادى.

تۇرىك مەدياسىنىڭ حابارلارىنا قاراعاندا، گۇلەن قوزعالىسىنا قاتىسى بار كۇدىكتىلەر اراسىندا تۇركىمەنستان ازاماتتارى ءجيى كەزدەسەدى.

شەتەلدە تۇراتىن فەتحۋللاح گۇلەننىڭ جاقتاستارىن 2016 جىلى 15 شىلدەدە تۇركيادا مەملەكەتتىك توڭكەرىس جاساۋعا تالپىندى دەپ ايىپتاپ وتىر. گۇلەننىڭ ءوزى بۇلىككە قاتىسى جوعىن ايتىپ، وزىنە تاعىلعان ايىپتاردىڭ بارلىعىن جوققا شىعارىپ كەلەدى.

Abai.kz