سارسەنبى كۇنى مەملەكەتتىك دۋما وزگە ەلدەردىڭ اقپارات قۇرالدارىن شەتەلدىك اگەنتكە جاتقىزۋعا جول اشاتىن زاڭ جوباسىن ءبىراۋىزدان ماقۇلداعان.

ادىلەت مينيسترلىگىنىڭ حاتىندا ناقتى قانداي شارالار قولدانۋى مۇمكىن ەكەندىگى ايتىلماعان.

زاڭ جوباسىنا سايكەس، حابار تاراتاتىن كەز كەلگەن شەتەلدىك قۇرىلىم "شەتەلدىك اگەنت" بوپ تانىلۋى مۇمكىن. دەپۋتاتتار جاڭا زاڭ رەسەيدەگى شەتەلدىك باق جۇمىسىنا كەدەرگى بولمايدى دەگەندى العا تارتتى.

بۇنىڭ الدىندا ماسكەۋ قارجىلاندىراتىن RT تەلەارناسى امەريكالىق بيلىكتىڭ "شەتەل اگەنتى" رەتىندە تىركەلۋ تالابىن ورىندايتىنىن، بىراق بۇعان قاتىستى سوتقا جۇگىنەتىندىگىن مالىمدەگەن. زاڭ جوباسى سودان كەيىن پايدا بولدى.

ۆاشينگتون اقش-تاعى شەتەل اگەنتى تۋرالى زاڭ رەسەيلىك نۇسقاسىنا ءتىپتى ۇقسامايتىنىن بىرنەشە مارتە مالىمدەگەن. "ازات ەۋروپا/ازاتتىق راديوسى" مەدياكورپوراتسياسىنىڭ پرەزيدەنتى توماس كەنتتىڭ مالىمدەۋىنشە، "RT تەلەارناسى باعدارلامالارىن اقش-تا كابەلدى تەلەۆيدەنيە ارقىلى تاراتادى، ال ازاتتىق راديوسىنىڭ رەسەيدە مۇنداي مۇمكىندىگى جوق".

مەدياكورپوراتسيا الەمنىڭ ءتۇرلى ەلدەرىندە شىنايى اقپارات تاراتۋدى باستى ماقساتى ەتىپ العان. ء"بىز جۋرناليستىك جۇمىسىمىزدى جالعاستىرا بەرەمىز", - دەلىنگەن كورپوراتسيا مالىمدەمەسىندە.

Abai.kz