وزبەكستاندا ءدىني وقۋ ورىندارىندا قۇران ۇيرەنۋ كۋرستارى اشىلادى
وزبەكستان مۇسىلماندارى ءدىني باسقارماسى توراعاسى، مۋفتي ۋسمانحان اليموۆتىڭ جارلىعىنا سايكەس، ءدىني وقۋ ورىندارىندا اقىلى كۋرستار اشىلادى. كۋرس مەرزىمى التى ايعا سوزىلادى، ال اقىسى – 1 ميلليون سۋم (123 دوللار).
باسقارما توراعاسىنىڭ ورىنباسارى، شەيح ابدۋلازيز مانسۇردىڭ ايتۋىنشا، جەلتوقساندا 700-دەن استام ادام قۇران ۇيرەنىپ، 11 ءدىني مەكەمەدە اشىلعان كۋرستاردا اراب ءتىلىن ۇيرەنە الادى.
جەلتوقسان ايىندا 11 ءدىني وقۋ مەكەمەلەرىندە اقىلى كۋرستار اشىلادى. مۇنداي شەشىمدى قابىلداۋعا تۇرعىنداردىڭ ءوتىنىشى تۇرتكى بولدى، دەيدى شەيح مانسۇر.
"جارلىقتا كۋرسقا قابىلداناتىنداردىڭ جاسى كورسەتىلمەگەن، بىراق ولار ەگدە ادامدارعا ارنالعان", - دەدى ول.
وزبەكستاندا جەكەمەنشىك مەكەمەلەردە ءدىني ءبىلىم بەرۋگە زاڭمەن تىيىم سالىنعان.
Abai.kz
