سوعىس ۇنەمى بيزنەس بولىپ كەلدى. قاراپايىم ادام ءۇشىن ول پاتريوتتىق سەزىممەن ۇشتاسقان جاۋاپتى قادام بولسا، الەمدىك ساياساتكەرلەر ءۇشىن ول ەڭ ءبىرىنشى تابىس كوزى. مىسالى ادامزات تاريحىندا ەڭ قىمبات سوعىستارعا 80 ملرد. دوللارلىق اقش-تاعى ازامات سوعىسى، 1991 جىلعى پارسى شىعاناعىنداعى 102 ملرد. دوللارلىق سوعىس بولسا، كورەي سوعىسى 380 ملرد. دوللاردى قۇراسا، ءبىرىنشى دۇنيە جۇزىلىك سوعىسى 560 ملرد. دوللاردى، ۆەتنامداعى سوعىس 786 ملرد. دوللاردى، 2003 جىلعى اقش-تىڭ يراكتاعى سوعىسى 3.1 ترلن. دوللاردى، ەكىنشى دۇنيەجۇزىلىك سوعىس 4.7 ترل.ن دوللاردى قۇرادى. سۇمدىق قاراجات. بۇل مينيمۋمدىق كورسەتكىشپەن ەسەپتەگەندە. بۇدان بىرنەشە ەسە كوپ بولۋى دا مۇمكىن.

بىراق بۇل قاراجاتتار ەسەلەپ قايتادى، ويتكەنى دەرجاۆالار ينۆەستيتسيانى سوعىسقا قۇيادى. قارۋ مەن ءدارى-دارمەك ساتۋ، تاعام جەتكىزۋ، شيكىزات يەمدەنۋ جانە ت.ب. قازىرگى تاڭدا سوعىس كوپتەگەن ەلگە اسا ۇلكەن تابىس كوزى بولىپ وتىر. اقش پەن رەسەي قارۋدى قارا نان ساتقانداي ساتىپ، قارجىنى قالتاعا باسىپ جاتىر. ءبىر عانا ەرەجە بار: سوعىستى قارۋ ساتىپ الا الاتىن ايماقتا باستاۋ مىندەت! قولىندا كوك تيىنى جوق قارا قۇرلىق سياقتى جەردە ۇلكەن ايقاس جاساپ كەرەك ەمەس، ولار ءبىر-ءبىرىن پىشاقپەن-اق قىرا بەرەدى. "پىشاق بولسا، ۇشاق كەرەك ەمەس" دەيدى.

ال تاياۋ شىعىستا اقشا بار، دەمەك سوعىس جاساۋعا تاعى ءبىر سەبەپ بار. بىراق كۇندەردىڭ كۇنى بۇل جاقتىڭ دا قارۋ الۋ پوتەنتسيالى تومەندەيدى. سوندا سۇمپايى ساياساتكەرلەر سوعىستىڭ سومكەسىن ارقالاپ، قاي ايماققا بارادى ەكەن؟

اسحات قاسەنعالي

Facebook-تەگى پاراقشاسىنان