ماسكەۋدىڭ تۆەرسك سوتى وپپوزيتسيونەر الەكسەي ناۆالنىيدىڭ رەسەي پرەزيدەنتى ۆلاديمير پۋتينگە قارسى شاعىمىن قارامادى. بۇل جونىندە كوررۋپتسيامەن كۇرەس قورىنىڭ زاڭگەرى يۆان جدانوۆ فەيسبۋك ارقىرى حابارلادى.

سوت شەشىمىن ناۆالنىيدىڭ اكىمشىلىك سوت ءىسىن جۇرگىزۋ ءتارتىبىن قاراۋعا قۇقىعى جوق ەكەنىمەن جانە ارىز بەرۋشىنىڭ بوستاندىق ماسەلەلەرى قوزعالماعان دەپ تۇسىندىرگەن.

وتكەن اپتادا ماسكەۋ سوتى ناۆالنىيدىڭ پۋتينگە قارسى شاعىمىن تىركەگەن. شاعىمدا كرەملدىڭ نۇسقاۋىمەن ايماقتاعى بيلىك وكىلدەرى وپپوزيتسيا ليدەرىنە ميتينگ وتكىزۋگە رۇقسات بەرمەي جاتقاندىعى ايتىلعان. ناۆالنىي سوتتان مەملەكەت باسشىسىنىڭ ءىس-ارەكەتتەرىن زاڭسىز دەپ تانۋدى سۇراعان.

كرەمل وپپوزيتسيونەردىڭ ايىپتاۋىنا بايلانىستى رەسەي پرەزيدەنتى اكتسيالارعا رۇقسات بەرۋمەن نە تىيىم سالۋمەن اينالىسپايدى دەپ جاۋاپ بەرگەن.

الەكسەي ناۆالنىي 2018 جىلعى پرەزيدەنت سايلاۋىنا قاتىساتىنىن ايتىپ، ايماقتاردا ۇگىت-ناسيحات جۇمىستارىن وتكىزىپ ءجۇر. رەسەيدىڭ كوپتەگەن قالالارىندا ساياساتكەرگە ميتينگ-كەزدەسۋلەر وتكىزۋگە تىيىم سالىپ جاتىر. ناۆالنىي شتابىنىڭ ەرىكتىلەرى مەن قىزمەتكەرلەرى بيلىك تاراپىنان ءتۇرلى قىسىمدار كورىپ جاتىر.

Abai.kz