بايقاۋ قازاقستان رەسپۋبليكاسى ۇلتتىق وليمپيادالىق كوميتەتىنىڭ پرەزيدەنتى تيمۋر قۇلىباەۆتىڭ باستاماسىمەن وسىمەن ءۇشىنشى رەت وتكىزىلىپ وتىر. بۇعان دەيىنگى جىلدىڭ سپورتتىق سىيلىعىنىڭ جەڭىمپازدارىن قۇرامىندا ۇوك پەن قر مادەنيەت جانە سپورت مينيسترلىگىنىڭ وكىلدەرى بار ارنايى كوميسسيا تاڭداپ كەلسە، بيىل ەندى ولاردى جانكۇەرلەردىڭ وزدەرى انىقتاماق.

«جىل ىشىندەگى سپورتتىق كۇنتىزبە ءتۇرلى جدارىستارعا تولى بولادى. ءار سپورت ءتۇرى بويىنشا حالىقارالىق باسەكەلەر ءوتىپ جاتادى. سول باسەكەلەردە ءبىزدىڭ سپورتشىلار ەل نامىسىن ابىرويمەن قورعاپ، جاقسى ناتيجەلەر كورسەتۋدە. بيىل «ۇلتتىق» دەگەن مارتەبە الىپ وتىرعان «سپورتتىق جۇلدە» بيىلعى جىلدى قورىتىندىلاماق. ءبىز بارلىق جانكۇيەرلەردى ۇزدىكتەردى انىقتاۋ شاراسىنا بەلسەندى قاتىسۋعا شاقىرامىز»، - دەيدى قر ۇوك باس حاتشىسى دانيار ابۋلگازين.

ساندۋعاش راحيمجانوۆا،«حابار» تەلەارناسىنىڭ ديرەكتورى:

- ءبىز «حابار» تەلەارناسىنىڭ ەفيرىندە ءتۇرلى سپورتتىق شارالاردى كورسەتىپ ءجۇرمىز. بايقاعانىمىز سپورت ادامداردى بىرىكتىرەدى. وسى جولى دا جانكۇيەرلەر سۇيىكتى سپورتشىلارىنا داۋىس بەرۋ ءۇشىن بىرىگەدى دەپ ويلايمىز. سپورتتىق جۇلدەنى كورەرمەندەر 2 جەلتوقسان كۇنى ءبىزدىڭ ارنامىزدان تاماشالاپ، جاقسى اسەر الارىنا سەنەمىز.

 2017 جيلى «جىلدىڭ ۇلتتىق سپورتتىق جۇلدەسى» جاڭا تەلەۆيزيالىق فورماتتا وتەدى. جانكۇيەرلەر وزدەرى نوميناتسيالارعا قاتىسىپ جاتقاندار داۋىستارىن بەرە الادى. داۋىس بەرۋ قر ۇوك www.olympic.kz رەسمي سايتىندا قاراشانىڭ 28-نە دەيىن جالعاسادى. وسى ايدىڭ ورتاسىندا جۇلدەنىڭ ءاربىر نوميناتسياسىندا ۇسىنىلعان ۇمىتكەرلەر تۋرالى، ولاردىڭ ۇستىمىزدەگى جىلداعى جەتىستىكتەرى تۋرالى تولىق مالىمەت بەرەتىن ارنايى كۇندەلىكتەر «حابار» ارناسىندا ەفيگگە شىقپاق.

جەڭىمپازدار كەلەسى نوميناتسيالار بويىنشا انىقتالادى:

1. «جازعى سپور تۇرلەرى بويىنشا ۇزدىك سپورتشى»
2. «قىسقى سپور تۇرلەرى بويىنشا ۇزدىك سپورتشى»
3. «ۇزدىك جاس سپورتشى»
4. «جازعى سپورت تۇرلەرى بويىنشا ۇزدىك جاتتىقتىرۋشى»
5.  «قىسقى سپورت تۇرلەرى بويىنشا ۇزدىك جاتتىقتىرۋشى»
6. «وليمپيادالىق سپورت تۇرلەرى بويىنشا ۇزدىك فەدەراتسيا»
7. «ۇزدىك سپورتتىق ءوڭىر» (رەسپۋبليكالىق ماڭىزى بار قالالار، وبلىستاردىڭ دەنەشىنىقتىرۋ جانە سپورت باسقارمالارى)
8. «جىل جاڭالىعى»
9. «جىلدىڭ ۇزدىك كومانداسى»

جىلدىڭ سپورتتىق جۇلدەسىنىڭ قورىتىندىسى سالتاناتتى تۇردە ۇستىمىزدەگى جىلدىڭ 30 قاراشاسىندا شىعارىلماق. جوباعا «Hilton Astana» وتەلى، Toyota Motor Kazakhstan قولداۋ ءبىلدىردى.

اباي-اقپارات