«رۋحاني جاڭعىرۋ» باعدارلاماسى شەڭبەرىندە الماتى وبلىسىندا جالپى سوماسى 37 ملرد. تەڭگە بولاتىن 308 الەۋمەتتىك جوبا جۇزەگە اسىرىلىپ جاتىر. بۇل تۋرالى وبلىس اكىمى اماندىق باتالوۆتىڭ ورتالىق كوممۋنيكاتسيالار قىزمەتىندە وتكەن بريفينگ بارىسىندا بەلگىلى بولدى.

ماسەلەن، ەڭبەكشىقازاق اۋدانى اششىبۇلاق اۋىلىندا سابىروۆتار وتباسى قاراۋسىز جاتقان ساياباقتى قايتا جاڭعىرتتى. كەربۇلاق اۋدانىنىڭ تۋماسى، جەكە كاسىپكەر حاسان ابۋوۆ تۋعان اۋىلىندا باستاۋىش مەكتەپ سالۋدا. قاراساي اۋدانى قىرعاۋىلدى اۋىلىندا «باتىر بالالار» مەموريالدى مۋزەيى اشىلدى، وعان مەتسەنات 465 ملن. تەڭگە بولگەن. سونىمەن قاتار شامالعان اۋىلىندا الەۋمەتتىك ءالجۋاز توپتار ساناتىنداعى 17 وتباسى جەكە تۇرعىن ۇيگە يە بولدى.

سونىمەن قاتار الماتى وبلىسىندا «مەنىڭ جەتىسۋىم» جەرلەس-ينۆەستورلار فورۋمىن وتكىزۋ جوسپارلانىپ وتىر. بۇل الەۋمەتتىك جوبالار قاتارىنىڭ كوبەيۋىنە ىقپال ەتەتىن بولادى.

Abai.kz