زيمبابۆەنى 1980 جىلدان بەرى باسقارىپ كەلە جاتقان مۋگابە بار بولعانى ەكى كۇن "ەركىن ەرىك ەلشىسى" بولدى. مۇنداي شەشىمگە ادام قۇقىعىن قورعاۋشىلار مەن جۋرناليستەر، سونداي-اق ۇلىبريتانيا، كانادا جانە اقش سەكىلدى كەيبىر مەملەكەتتەردىڭ ۇكىمەتتەرى سىن ايتتى. بريتانيانىڭ "گارديان" گازەتى بۇۇ-نىڭ اقش-تاعى بۇرىنعى وكىلى سامانتا پاۋەردىڭ سوزدەرىن كەلدىردى. ول: "93 جاستاعى مۋگابە 37 جىل بيلىك ەتكەندە ءبىر عانا ادامنىڭ - ءوزىنىڭ عانا دەنساۋلىعىن ويلادى", - دەپ مالىمدەگەن.

AFP اگەنتتىگى مۋگابە بيلىگى كەزىندە زيمبابۆەنىڭ دەنساۋلىق ساقتاۋ جۇيەسى قۇلدىرادى دەپ جازدى. ەلدەگى كوپتەگەن اۋرۋحانالارعا قاجەتتى قۇرالدار، دارىگەرلەر مەن مەدبيكەلەر جەتىسپەيدى، مەديتسينا قىزمەتكەرلەرىنىڭ ايلىعى وتە تومەن.

يۋنەسكو-نىڭ ستاتيستيكا ينستيتۋتىنىڭ مالىمەتىنە قاراعاندا، زيمبابۆەدە ورتاشا جاس مولشەرى - 49 جىل.

Abai.kz