وزبەك ازاماتى ماسكەۋلىك مەترو رەلسىنە قۇلاپ كەتتى
ماسكەۋدە «اننينو» مەترو ستانتسياسىندا 39 جاستاعى وزبەك ازاماتى رەلسكە قۇلاپ كەتتى، دەپ حابارلادى ريا نوۆوستي.
ساعات 12.05-تە ەلەكتر پويىزى ستانتسياعا جاقىنداعان ساتتە ەر ازامات رەسلكە قۇلاپ كەتكەن. ونى بايقاعان ماشينيست پويىزدى شۇعىل تەجەگەن. ماسكەۋلىك مەتروپوليتەندەگى ىشكى ىستەر باسقارماسىنىڭ قىزمەتكەرلەرى جەدەل جاردەم شاقىرعان.
قازىر وزبەكستان ازاماتى اۋرۋحانادا جاتىر. دارىگەرلەر ناۋقاستىڭ باسىنا زاقىم كەلىپ، قولى سىنعانىن حابارلادى. "سۇر" جەلىدەگى پويىز قوزعالىسى ساعات 12.25-دە قايتا جالعاستى.
قۇقىققورعاۋ قىزمەتكەرلەرى كۋاگەرلەردى سۇراپ شىقتى. بولعان وقيعاعا قاتىستى مالىمەت پروكۋراتۋراعا جولداندى.
Abai.kz
