قاراعاندى اكىمى باۋىرجان ابدىشەۆتىڭ وتىز جىلدان استام ءتور بەرمەگەن لەنين كوكەنىڭ ەسكەرتكىشىن لايىقتى جەرىنە قويامىز دەگەنىنە قۋانىپ ەدىك. ال، وبلىس اكىمى سەرىك احمەتوۆتىڭ اتى اتالعان مىنا ءبىر اقپارعا نە دەپ ايتارىمىزدى بىلمەي، ايران-اسىر قالدىق. سويتسەك، ۆاتيكاننىڭ مەملەكەتتىك حاتشىسى تارچيزيو بەرتونە استانا ءسامميتىن جايعاپ تاستاعان سوڭ، رەسمي «ساۋىعىن» قاراعاندى وبلىسىندا جالعاستىرىپتى. قىزىل كويلەگى جەر سىزعان كاردينالدىڭ استى-ۇستىنە ءتۇسىپ، بايەك بولعان سەرىك احمەتوۆ قازاقتىڭ، كەشىرىڭىزدەر قازاق كاتوليكتەرىنىڭ دارحان پەيىلىن، اسقان قوناقجايلىعىن ءۇستى-ۇستىنە كورسەتىپ جاتسا كەرەك. «ونى قويشى، قوناق دەپ كۇتىپ العان شىعار» دەيسىز-اۋ. بىراق، سەرىك مىرزانىڭ «قاراعاندىنى ەلىمىزدەگى كاتوليكتەردىڭ ورتالىعى دەپ اتاۋعا بولادى» دەگەنى ءسوز تاپپاي، ماڭدايىنان سۋىق تەر قۇيىلعاندا ايتقانى دەۋگە اۋىز بارمايدى ەكەن. سەبەبى، سەكەڭ انشا-مۇنشا ەمەس، ريم پاپاسى بەنەديكت ون التىنشىنى قاراعاندىعا قوناق بولىپ قايتۋعا قولقا سالىپ وتىر. سونداعى، رەسمي سىلتاۋى - «قاراعاندىدا قۇرىلىسى ءجۇرىپ جاتقان ءماريا انانىڭ كافەدرالدى شىركەۋىنە كەلىپ، «وسۆياششەنيە» ءداستۇرىن جاساپ كەتسە»... تۋرا وسى ءماتىندى قاعازعا تەرىپ، كاردينالدىڭ قولىنا قىستىرا سالعان دەيدى. مۇنداي جالىن اتقان ىقىلاستى، جايناعان كوزدەردى كۇتپەگەن بەرتونە قالبالاقتاپ، «جاقىندا پاپامەن كەزدەسەمىن، سوندا قازاقستان جايلى، قاراعاندى تۋراسىندا ايتامىن. مىنا شاقىرتۋ قاعازىڭىزدى مىندەتتى تۇردە تاپسىرامىن... ءوز قولىنا» دەپتى.

قاراعاندى اكىمى باۋىرجان ابدىشەۆتىڭ وتىز جىلدان استام ءتور بەرمەگەن لەنين كوكەنىڭ ەسكەرتكىشىن لايىقتى جەرىنە قويامىز دەگەنىنە قۋانىپ ەدىك. ال، وبلىس اكىمى سەرىك احمەتوۆتىڭ اتى اتالعان مىنا ءبىر اقپارعا نە دەپ ايتارىمىزدى بىلمەي، ايران-اسىر قالدىق. سويتسەك، ۆاتيكاننىڭ مەملەكەتتىك حاتشىسى تارچيزيو بەرتونە استانا ءسامميتىن جايعاپ تاستاعان سوڭ، رەسمي «ساۋىعىن» قاراعاندى وبلىسىندا جالعاستىرىپتى. قىزىل كويلەگى جەر سىزعان كاردينالدىڭ استى-ۇستىنە ءتۇسىپ، بايەك بولعان سەرىك احمەتوۆ قازاقتىڭ، كەشىرىڭىزدەر قازاق كاتوليكتەرىنىڭ دارحان پەيىلىن، اسقان قوناقجايلىعىن ءۇستى-ۇستىنە كورسەتىپ جاتسا كەرەك. «ونى قويشى، قوناق دەپ كۇتىپ العان شىعار» دەيسىز-اۋ. بىراق، سەرىك مىرزانىڭ «قاراعاندىنى ەلىمىزدەگى كاتوليكتەردىڭ ورتالىعى دەپ اتاۋعا بولادى» دەگەنى ءسوز تاپپاي، ماڭدايىنان سۋىق تەر قۇيىلعاندا ايتقانى دەۋگە اۋىز بارمايدى ەكەن. سەبەبى، سەكەڭ انشا-مۇنشا ەمەس، ريم پاپاسى بەنەديكت ون التىنشىنى قاراعاندىعا قوناق بولىپ قايتۋعا قولقا سالىپ وتىر. سونداعى، رەسمي سىلتاۋى - «قاراعاندىدا قۇرىلىسى ءجۇرىپ جاتقان ءماريا انانىڭ كافەدرالدى شىركەۋىنە كەلىپ، «وسۆياششەنيە» ءداستۇرىن جاساپ كەتسە»... تۋرا وسى ءماتىندى قاعازعا تەرىپ، كاردينالدىڭ قولىنا قىستىرا سالعان دەيدى. مۇنداي جالىن اتقان ىقىلاستى، جايناعان كوزدەردى كۇتپەگەن بەرتونە قالبالاقتاپ، «جاقىندا پاپامەن كەزدەسەمىن، سوندا قازاقستان جايلى، قاراعاندى تۋراسىندا ايتامىن. مىنا شاقىرتۋ قاعازىڭىزدى مىندەتتى تۇردە تاپسىرامىن... ءوز قولىنا» دەپتى. سوندا دەيمىن، جاي ءبىر عيباداتحانانىڭ «جاڭارتۋ» ءراسىمىن وتكىزۋگە جەرگىلىكتى ءدىندارلارى جەتپەي قالىپ پا؟ الدە، ميتروپوليت الەكساندردى مەنسىنبەي تۇرعانى ما؟ باتىس الەمىنىڭ باقۋاتتى ەلدەرى كاتوليكتىك باعىنۋ جۇيەسىنەن بويىن اۋلاق ۇستاۋعا تىرىسىپ جاتقاندا، ءبىزدىڭ اكىم دايىن بۇعاۋعا باسىن سالماقشى... ايتپاقشى، بەرتونە مىرزانى ارى دا بەرى دە سۇيرەپ، قاراعاندىداعى بار كاتوليكتىك نىسانداردىڭ باسىنا اپارعانداي قىلىپتى. قوناقتى قازىرگى كاتوليك شىركەۋىنە دە، موناستىر، سەمينارياسىنا دا كىرگىزگەن احمەتوۆ اقىرىندا سالىنىپ جاتقان شىركەۋدىڭ ىشىنە كىرىپتى. قونىراۋىن كاردينالعا ۇرعىزىپتى. سىرتى داعىستاننان تاسىلعان تاستارمەن اشەكەيلەنەتىن شىركەۋدە اۆستريادان جەتكىزىلگەن ورگان قويىلىپتى. وندا وينايتىن سازگەر دە اۆستريادان «جەتكىزىلىپتى». ايتپاعىمىز، ورىس  پراۆوسلاۆ شىركەۋى ۋاعىزىن ۇدەتىپ جاتقاندا، كاتوليكتەردى ەمەكسىتۋ كىمگە كەرەك بولدى ەكەن؟ الدە، سەرىك اعامىز ۆاتيكاننىڭ مەملەكەتتىك قۇرىلىمىن قاراعاندى ابباتتىعىنا، كەشىرىڭىزدەر وبلىسىنا كوشىرگىسى كەلە مە ەكەن، ا؟

«اباي-اقپارات»