شۋى كوپ شىمكەنتتە پوليتسيا كەزەكتى رەت ايىقپاس داۋعا قالىپ وتىر. داۋ ەمەس-اۋ، جەگى قۇرتتاي جايىلقان جەمقورلىقتىڭ جەتەگىندە كەتكەن قۇقىق قورعاۋشىلار ادام ولتىرگەندەرگە «اراشا» ءتۇسىپ ماسقارا بولىپ جاتىر.

ماسەلەنىڭ ءمانى مىناداي. سارىاعاشتا قىلمىسكەرلەر 15 جاسار قىزدى زورلاپ، قيناپ ءولتىرىپ كەتكەن. ونىڭ ءمايىتىن تۋىسقاندارى ارىقتان تاۋىپ الدى.

بويجەتكەن جوعالىپ كەتكەن كۇنى-اق تۋىستارى قىزدى بەلگىسىز جاققا ەرتىپ كەتكەن ادامداردى پوليتسياعا وزدەرى ۇستاپ اكەلىپ بەرگەن. ولار باحتيار اتتى جىگىت پەن فيرۋزا اتتى جەڭگەتاي كەلىنشەك ەكەن. قىزدىڭ تۋىستارى ءتىپتى كۇدىكتىلەر پوليتسياعا كىنالارىن مويىنداعانىن ايتادى. الايدا، «جەڭگەتاي» كەلىنشەك قۇقىق قورعاۋشىلار ءوزىن جىبەرمەيتىن بولسا قاي جەردە قانشا قىزدى ولاردىڭ استىنا سالىپ بەرگەنىن جايىپ سالامىن دەپ قورقىتقان. وسىدان كەيىن پوليتسيا ونى بوستاندىققا جىبەرەدى. تۋىستارى كۇدىكتىلەر قىزدى پوليتسيادان بوساپ شىققانان كەيىن ولتىرگەن دەپ وتىر.

شۋى كوپ شىمكەنتتە پوليتسيا كەزەكتى رەت ايىقپاس داۋعا قالىپ وتىر. داۋ ەمەس-اۋ، جەگى قۇرتتاي جايىلقان جەمقورلىقتىڭ جەتەگىندە كەتكەن قۇقىق قورعاۋشىلار ادام ولتىرگەندەرگە «اراشا» ءتۇسىپ ماسقارا بولىپ جاتىر.

ماسەلەنىڭ ءمانى مىناداي. سارىاعاشتا قىلمىسكەرلەر 15 جاسار قىزدى زورلاپ، قيناپ ءولتىرىپ كەتكەن. ونىڭ ءمايىتىن تۋىسقاندارى ارىقتان تاۋىپ الدى.

بويجەتكەن جوعالىپ كەتكەن كۇنى-اق تۋىستارى قىزدى بەلگىسىز جاققا ەرتىپ كەتكەن ادامداردى پوليتسياعا وزدەرى ۇستاپ اكەلىپ بەرگەن. ولار باحتيار اتتى جىگىت پەن فيرۋزا اتتى جەڭگەتاي كەلىنشەك ەكەن. قىزدىڭ تۋىستارى ءتىپتى كۇدىكتىلەر پوليتسياعا كىنالارىن مويىنداعانىن ايتادى. الايدا، «جەڭگەتاي» كەلىنشەك قۇقىق قورعاۋشىلار ءوزىن جىبەرمەيتىن بولسا قاي جەردە قانشا قىزدى ولاردىڭ استىنا سالىپ بەرگەنىن جايىپ سالامىن دەپ قورقىتقان. وسىدان كەيىن پوليتسيا ونى بوستاندىققا جىبەرەدى. تۋىستارى كۇدىكتىلەر قىزدى پوليتسيادان بوساپ شىققانان كەيىن ولتىرگەن دەپ وتىر.

پوليتسيانىڭ زاڭسىز ىستەرىنە نارازى بولعان قىزدىڭ تۋىستارى ونىڭ ءمايىتىن الىپ وڭتۇستىك قازاقستان وبلىستىق ىشكى ىستەر دەپارتامەنتىنە كەلگەن. حالىق كەلگەن كەزدە زارەلەرى كەتكەن پوليتسيانىڭ ءبىرى قالماي باس عيماراتقا جينالىپ العان ەدى. قىزدى ارتقان اۆتوبۋستىڭ اينەگىنە «گرۋز 200» دەپ جازىلعان. مۇنداي جاعداي بۇرىن بولىپ كورگەن ەمەس. اشىنعان حالىق قىلمىس الەمىمەن بىتە قايناسىپ، جەمقورلىققا بەلشەسىنەن شىمكەنتتىڭ پوليتسياسىنان ابدەن تۇڭىلگەن. ولار قۇقىق قورعاۋشىلاردىڭ قىلمىسىن اشكەرەلەۋ ءۇشىن ءمايىتتى ارقالاپ ءجۇرىپ نارازىلىق كورسەتۋگە دەيىن جەتتى.

مارقۇم زاريپا انارباەۆانىڭ اعاسىن دا وسىدان 4 جىل بۇرىن 16 جاسىندا بەلگىسىز بىرەۋلەر ءولتىرىپ الگى ارىققا لاقتىرىپ كەتكەن بولاتىن. ول كەزدە قۇقىق قورعاۋشىلار بوزبالا ولىمىنە ءوزى كىنالى دەگەن. ال بۇگىن اۋىزدارىن اشپادى. ءبىر ءۇيدىڭ بىلدەي ەكى ادامى قاسكويلەردىڭ قولىنان قازا بولۋى سارىاعاشتى قىلمىسكەرلەردىڭ ۋىسىندا ۇستاپ وتىرعانىن بىلدىرەدى.

قىزدىڭ تۋىسقاندارى «جەڭگەتاي» فيرۋزا جاس قىزدى بىرەۋدىڭ استىنا سالىپ بەرۋگە ۋادە ەتكەن ءارى سوزىندە تۇرعان دەيدى. ال، «جاس يىسكە» تاپسىرىس بەرۋشى لاۋازىمدى تۇلعا بولۋى ابدەن مۇمكىن. سەبەبى، «جەڭگەتايدىڭ» قوقان-لوقىسىنىڭ كۇشتى بولعانى سونشاما قۇقىق قورعاۋشىلار ونى ۇستۋعا ءالى ارەكەت ەتپەي وتىر.

بۇل سۇمدىق وقيعانىڭ شۋى ءازىر باسىلا قويۋى ەكىتالاي. مۇنى جىلى جاۋىپ قويا سالۋى دا ابدەن مۇمكىن. ءارى كەتسە بىرەۋ-مىرەۋگە سوگىس جاريالانىپ، ۇساق-تۇيەك ينسپەكتورلار قىزمەتىنەن الىناتىن شىعار. بىراق، جەمقرولىقتىڭ تامىرىن وسىنشاما تەرەڭ جايۋىنا كوزىن جۇما قاراپ وتىرعان لاۋازىم يەلەرىنىڭ ءبىرى دە جازالانباسى انىق. ويتكەنى، سونىڭ ءبارى الگى «جەڭگەتاي» سەكىلدى قىلمىس الەمى وكىلدەرىنىڭ قۇرىعىنا ىلىنگەن. بۇل بۇگىنگى قوعامنىڭ ۇلكەن دەرتى. بۇل بىزگە بەلگىلى بولعانى عانا. قۇقىق قورعاۋشىلار كوپ جاعدايدا قىلمىستى بۇركەمەلەپ، ەلگە جاريا قىلماۋدىڭ بارلىق امالىن جاسايدى. ءبىز بىلمەيتىن مۇنداي قىلمىستاردىڭ تالاي جاسالعانى انىق. ول قىلمىستار قۇقىق قورعاۋ ورىندارىن جەمقورلىقتان تازالاماي ەشقاشان اشىلماق ەمەس.

http://masa.kz/article/view/id/537