استانا. 6 جەلتوقسان. قازتاگ – جەكسەنبى كۇنى بايقوڭىر عارىش ايلاعىنان «پروتون-م» زىمىران تاسىمالداعىشىمەن ۇشىرىلعان «گلوناسس-م» سپۋتنيكتەر بلوگى تىنىق مۇحيتتاعى كەمە جۇرمەيتىن اۋماققا قۇلادى. «ۇشىرىلۋدان 10 مينۋت وتكەن سوڭ وربيتالىق بلوكتىڭ زىمىران تاسىمالداعىشتىڭ ءۇشىنشى ساتىسىنان اجىراۋى بولدى.

تەلەمەتريالىق تالداۋلار عارىشتىق اپپاراتتاردىڭ ەسەپتىك وربيتاعا شىقپاعانىن كورسەتكەن. وقيعا سەبەپتەرىن انىقتاۋ جانە الداعى ءىس-ششارالار جونىندەگى كوميسسياسى قۇرىلدى»، - دەپ حابارلادى فەدەرالدى عارىش «روسكوموس» اگەنتتىگى.

سونىمەن قاتار رف عارىش-زىمىران سالاسىندا دەرەككوزدەرى بار رەسەيلىك باق-تاردىڭ حابارلاۋىنشا، رەسەيلىك ناۆيگاتسيالىق گلوناسس توبىن قالىپتاستىرۋدى اياقتاۋ ءۇشىن ۇشىرىلعان بارلىق ءۇش سپۋتنيك تە گونولۋلۋ (گاۆاي ارالدارى) قالاسىنان – امەريكالىق گاۆاي شتاتىنىڭ اكىمشىلىك ورتالىعى - 1500 كم جەردەگى  كەمە جۇرمەيتىن تىنىق مۇحيتقا قۇلاعان. رەسەيلىك باق-تار م.ۆ.حرۋنيچەۆ ات. عوو-عا سىلتەمەلەپ، گلوناسس سپۋتنيكتەرىن وربيتاعا شىعارۋ بارىسىندا تەتىكتەر قىزمەتىندە بۇزىلىس ورىن العانىن راستاپ وتىر. «گلوناسس» جۇيەسىندەگى ءۇش عارىشتىق اپپاراتى بار «پروتون-م» زىمىران تاسىمالداعىشىمەن جۇرگىزىلگەن ۇشىرىلۋ جەكسەنبى كۇنى 13.25 مينۋتتا ء(ماس) قالىپتى رەجيمدە وتكەن. ۇشىرىلۋدان سوڭ ون مينۋتتان كەيىن وربيتالىق بلوكتىڭ ءۇشىنشى ساتىدان اجىراۋى بولدى. بىراق عارىش اپپاراتتارى بەلگىلەنگەن وربيتاعا شىقپاي قالدى. قازىر ماماندار ورىن العان شتاتتان تىس جاعدايدىڭ سەبەبىن انىقتاۋدا»، - دەلىنگەن ورتالىق حابارىندا.