پرەزيدەنت اكىمشىلىگى جەتەكشىسىنىڭ بۇرىنعى ورىنباسارى باعلان مايلىباەۆتىڭ قۇنى 171 ميلليون تەڭگە تۇراتىن كەڭسە-عيماراتى تاركىلەندى، دەپ جازادى Today.kz.

مەملەكەتتىڭ قۇپياسىن جاريالادى دەپ سوتتالعان باعلان مايلىباەۆتان تاركىلەنىپ الىنعان عيماراتتىڭ جالپى اۋماعى 1,5 مىڭ شارشى مەتردى قۇرايدى ەكەن.

استانا قالاسى، ايمانوۆ كوشەسىندە ورنالاسقان بۇل عيمارات پرەزيدەنت اكىمشىلىگىنىڭڭ بۇرىنعى قىزمەتكەرى باعلان مايلىباەۆتىڭ مەنشىگىنە تيەسىلى بولعان. سوت ۇكىمى شىققان سوڭ، بۇل عيمارات تاركىلەنىپ، مەملەكەتتىڭ مەنشىگىنە بەرىلگەن. عيماراتتىڭ قۇنى 171 ميلليون تەڭگەگە باعالانىپ وتىر.

ەستەرىڭىزگە سالا كەتەيىك، باعلان مايلىباەۆقا "قىزمەتىن اسىرا پايدالاندى، مەملەكەتتىك قۇپيالاردى زاڭسىز جينادى جانە تاراتتى" دەگەن ايىپ تاعىلىپ، 5 جىلعا باس بوستاندىعىنان ايىرعان.

مايلىباەۆتىڭ ۇكىمى 2017 جىلدىڭ 13-ماۋسىمىندا وقىلدى.

Abai.kz