مينيسترلىك شەنەۋنىكتەرى ءداستۇرلى ەمەس ءدىندى ۇستانۋشىلار اراسىندا بالالارىنا ەكپە سالدىرۋدان باس تارتىپ جاتقان جاعداي قوعامدا ۇلكەن ماسەلەگە اينالىپ وتىر دەيدى. تەك 2016 جىلى 9,5 مىڭ اتا-انا بالالارىنا ەكپە سالدىرۋدان باس تارتقان. ولاردىڭ جارتىسى ءدىني كوزقاراستارى ءۇشىن دەپ تۇسىندىرگەن.

زاڭ جوباسىنا مىناداي تالاپتاردى دا ەنگىزۋ قاراستىرىلعان:

• اتا-انانىڭ رۇقساتىنسىز كامەلەتكە جاسى تولماعاندارعا ءدىندى ناسيحاتتاعانى ءۇشىن ءدىني بىرلەستىك جەتەكشىلەرىنە 680 دوللار كولەمىندە ايىپپۇل سالىنادى.
• شەتەلدە ءدىني ءبىلىم الۋعا تەك قازاقستانداعى ارنايى ءدىني وقۋ ورتالىقتارىنان ءبىلىم العاننان كەيىن عانا رۇقسات بەرىلەدى.
• "قوعامعا كەرى اسەرىن تيگىزەتىن يدەولوگيالىق اعىمدى" ناسيحاتتاۋعا ارنالعان سىرتقى كورىنىستەرگە تىيىم سالىنادى.

ء"بىز بۇزۋشى كۇشتەردىڭ سىرتقى اسەرىن تالقىلاپ جاتىرمىز. بۇل تەك كيىمگە عانا قاتىستى ەمەس. مىسالى "كۋ-كلۋكس-كلاننىڭ" باس كيىمىن الىڭىز. ءبىز قانداي نىشاندار مەن ۇلگىلەر بۇزۋشى بولاتىنىن تالقىلاپ جاتىرمىز. بۇل جەردە حيدجاب كيۋگە قاتىستى اڭگىمە جوق. حيدجاب پەن بەتتى جاباتىن پارانجىنى سالىستىرۋعا بولمايدى", – دەپ مالىمدەدى ءدىني ىستەر جانە ازاماتتىق قوعام جونىندەگى مينيستر نۇرلان ەرمەكباەۆ.

زاڭ شىعارۋشىلار ەلدىڭ 16 زاڭىنا 60-قا جۋىق وزگەرىستەر ەنگىزۋدى ۇسىنادى.

زاڭ جوباسى قوعامدىق تالقىلاۋعا شىعارىلدى.

Abai.kz