اتىراۋدا سپورت كۇنىنە ارنالعان Atyrau Sport Fest 2017 فەستيۆالى ءوتتى. اتىراۋلىق سپورتشىلار əلەمنىڭ 16 ەلىنەن كەلگەن قارسىلاستارىمەن سىنعا تۇسكەن ءدۇبىرلى دودادا كورەرمەن جەكپە-جەكتىڭ 16 ءتۇرى بويىنشا جارىستى تاماشالادى، - دەپ حابارلايدى اتىراۋ وبلىسى وڭىرلىك كوممۋنيكاتسيا قىزمەتى.

فەستيۆال حەدلاينەرى رەسەيلىك بەلگىلى  Estradarada توبى بولدى. UFC قورعاۋىندا  شىعىپ جۇرگەن ارالاس جەكپە-جەك ونەرىنىڭ جاۋىنگەرى جەڭىلمەگەن رەسەيلىك سپورتشى حابيب نۋرماگومەدوۆ قۇرمەتتى قوناق رەتىندە قاتىستى.

-فەستيۆالدىڭ باستى مىندەتى بۇقارالىق سپورتتى دامىتۋ، حالىقتى سپورتپەن شۇعىلدانۋعا شاقىرۋ، - دەيدى وبلىستىق دەنە تəربيەسى جəنە سپورت باسقارماسىنىڭ باسشىسى ازامات بەكەت. - مۇنداي كەڭ كولەمدەگى شارا قازاقستاندا ءبىرىنشى رەت ۇيىمداستىرىلىپ وتىر. ءبىزدىڭ كəسىپكەرلەردىڭ جەرگىلىكتى باستامالاردى قارجىلاي قولداۋعا دايىن ەكەندەرى قۋانتادى. بيزنەس يەلەرى ەلباسىنىڭ "بولاشاققا باعدار:رۋحاني جاڭعىرۋ" باعدارلامالىق ماقالاسىن باسشىلىققا العاندارىن ايتادى. وبلىستىق جاۋىنگەرلىك ونەر فەدەراتسيالارى ءتۇرلى مەملەكەتتەردەگى قارسىلاستارىن شاقىرۋعا ۇلكەن ۇلەس قوستى. حەدلاينەرلەر مەن جۇلدىزدى قوناقتاردى دەمەۋشىلىك قاراجات ەسەبىنەن تارتتىق. كəسىپكەرلەردىڭ كومەگى، شاراعا حالىقتىڭ كوپ جينالعانى اتىراۋدىڭ جاقىن بولاشاقتا قازاقستان سپورتىنىڭ استاناسى بولۋى مۇمكىن ەكەنىن اڭعارتادى، وسى ماقساتقا جەتۋ ءۇشىن ءبىز دە بار كۇشىمىزدى سالامىز.

اتىراۋلىق سپورتشىلارعا جانكۇيەر بولۋعا 2,5  مىڭ ادام جينالدى. كورەرمەننىڭ جارتىسى فەستيۆالدى مۇز سارايىندا تاماشالاسا، قالعاندارىنا كوشەدە LED ەكران ارقىلى تىكەلەي كورسەتىلىم ۇيىمداستىرىلدى.

اتىراۋ وبلىسىنىڭ سپورتشىلارى جانكۇيەرلەرىن جەرگە قاراتپادى - 16 جەكپە-جەكتىڭ بəرىندە جەڭىسكە جەتتى. مما بويىنشا كەزدەسۋدىڭ فينالدىق جارىسىندا اتىراۋلىق يساتاي تەمىروۆ برازيليادان كەلگەن قارسىلاسى فورتۋناتو لاپانى نوكاۋتپەن جەڭىپ، كورەرمەن قوشەمەتىنە يە بولدى.

مما، دزيۋدو، سامبو، جاۋىنگەرلىك سامبو، تاەكۆوندو، جەكپە-جەك،  WKF كاراتە، بوكس، كيكبوكسينگ، تاي بوكسى، پانكرياتيون، گرەك-ريم كۇرەسى، دجيۋ دجيتسۋ، كيوكۋشينكاي كاراتە، ەركىن كۇرەس جəنە باسقا دا جەكپە-جەكتىڭ 16 تۇرىنەن بولاتىن جارىستا اتىراۋ وبلىسىنىڭ ەڭ ۇزدىك سپورتشىلارى الىس-جاقىن شەتەلدەردەن كەلەتىن قارسىلاستارىمەن سىنعا ءتۇستى.

مۇنايلى ايماققا  ۋكراينا، رەسەي، گرۋزيا، Əزەربايجان، برازيليا، كورەيا، تۇركيا، يسپانيا، تايلاند، پولشا، بەلگيا، يران، ماروككو سەكىلدى 16 مەملەكەتتەن سپورتشىلار كەلدى.

Abai.kz