مەكتەپ باسشىلىعى مۇعالىمنەن 6 ملن. تەڭگە تالاپ ەتىپ وتىر
2017 جىلدىڭ، 18 تامىزى كۇنى شىمكەنت قالاسى «ەڭبەكشى اۋداندىق سوتى» قالاداعى N38 مەكتەپكە بايلانىستى سوت وتىرىسى بولىپ ءوتتى.
تاعى دا ەستەرىڭىزگە سالا كەتەيىن، ارىز بەرۋشى تالاپكەرلەر: N38 مەكتەپ ديرەكتورى ايمان ءجۇسىپوۆا جانە ديرەكتوردىڭ ەكى ورىنباسارى دانا اسىلبەكوۆا مەن ايجامال قوزىبەكوۆالار وسى مەكتەپ مۇعالىمى
گۇلجان ساليمباەۆانى سوتقا بەرگەن بولاتىن.
ارىز بەرۋشى تالاپكەرلەر، مۇعالىمدى جەلىگە «جالعان اقپارات» تاراتقانى ءۇشىن جانە «مەكتەپتىڭ جانە ءبىزدىڭ بەدەلىمىزگە نۇسقان كەلتىردىڭ» دەپ، ءار قايسىسى 2 000 000 تەڭگەدەن، 6 000 000 تەڭگە مورالدىق زارداپ شىعىنىن تالاپ ەتىپ وتىر (مۇعالىم، بار-جوعى مەكتەپتەگى ورىن العان، دورەكى كەلەڭسىزدىكتەردى جەلىگە سالىپ، قوعامنان اراشا سۇراعان).
ازانعى 11-30 دا باستالعان سوت وتىرىسى اراعا ەكى ساعات ءۇزىلىس جاريالاپ كەشكى ساعات 19-00 اياقتالدى.
وسى سوت وتىرىسى ءوزىنىڭ بىرنەشە ەرەكشەلىكتەرىمەن جانە سۋديانىڭ الدىڭعى جانە كەيىنگى سوت وتىرىستارىندا بىرنەشە زاڭ بۇزۋشىلىق فاكتىلەرىن جاريالاپ، جاۋاپكەر گۋلجان سالىمباەۆانىڭ سۋديانىڭ ۇستىنەن ارىز-شاعىم بەرۋىمەن ەرەكشەلەندى. وسى ارىز-شاعىم بەرىلگەننەن كەيىن سۋديا ەكى ساعات ءۇزىلىس جاريالاپ، تاعايىنداما انىقتاماسىن جاۋاپكەرگە ۇسىندى. وسى كوپتەگەن زاڭ بۇزۋشىلىق فاكتىلەرىنە بايلانىستى بەرىلگەن ارىز-شاعىمعا، سۋديا م.ايمەنوۆتىڭ تاعايىنداما انىقتاماسىنىڭ كوشىرمەسى دە سىزدەردىڭ نازارلارىڭىزعا قوسا ۇسىنىلىپ وتىر.
سونىمەن سوت وتىرىسى قىزدى-قىزدىمەن اقىر اياعىندا سوتتى جۇرگىزۋشى سۋديا ق.ءىزباساروۆ: بەلگىسىز بىرەۋلەردىڭ وعان "ەگەر سوتتىڭ شەشىمى گ. سالىمباەۆانىڭ پايداسىنا شەشىلمەسە، ومىرىنە قاۋىپ تونەتىنىن" ايتىپ ەسكەرتىپتى. ءبىزدى تاڭ قالدىرعانى سوندا بۇل نە؟ الدىن-الا ءوزىن ساقتاندىرۋ ما، الدە قاراپايىم مۇعالىم گ.سالىمباەۆاعا قىر كورسەتۋ مە؟ وسى جاعى بىزگە تۇسىنىكسىز بولدى. وسىعان بايلانىستى سۋدياعا قوقان-لوقسى كورسەتكەن ادامنىڭ ۇستىنەن قىلمىستىق ءىس قوزعالۋى كەرەك.
ەگەر كەلەشەكتە سۋديانىڭ ءادىل شەشىم شىعارۋىنا بىرەۋلەر شىنىمەن دە كەدەرگى كەلتىرىپ جاتسا، وندا ءبىز بلوگەرلەر مەن جۋرناليستەر جانە قوعام بەلسەندىلەرى سۋديانى قورعاۋعا دايىنبىز.
ەسكەرتۋ: كەلەسى سوت وتىرىسى 04.09.2017 جىلى، ساعات 15-00 گە بەلگىلەندى.
ارداق ءاشىموۆا
Facebook-تەگى پاراقشاسىنان
