ەركين مۇساەۆ 2006 جىلى «ماتەريالدىق سىياقى ءۇشىن قۇپيا اقپاراتتى شەتەلدىڭ ارنايى قىزمەتىنە بەرىپ وتىردى» دەگەن ايىپپەن 15 جىلعا سوتتالعان. ول وزىنە تاعىلعان ايىپتى مويىندامادى. كەيىن وتباسىنا تىنىشتىق بەرەدى دەگەن شارتپەن عانا مويىندايدى. سول كەزدە مۇساەۆتىڭ تۋىستارى ونى ازاپتاعانىن، جاقىندارىن قورقىتقانىن مالىمدەگەن.

مۋساەۆ بۇۇ اگەنتتىگىندە جۇمىس ىستەپ جۇرگەنىندە ۇستالعان.

بۇۇ ەركين مۇساەۆتىڭ سوتىنىڭ ادىلەتسىز وتكەنىن مالىمدەگەن. 2005-2010 جىلدارى وزبەكستان قورعانىس مينيسترلىگىنىڭ بىرقاتار لاۋازىمدى شەنەۋنىكتەرى، ونىڭ ىشىندە گەنەرالدارى بار اقش-تىڭ تىڭشىسى دەگەن ايىپپەن سوتتالعان.

بيىل ءساۋىر ايىندا تاعى ءبىر وزبەك وفيتسەرى الەكساندر موكەەۆ بوستاندىققا شىققان.

Abai.kz