ورتالىق كوممۋنيكاتسيالار قىزمەتى الماتى وبلىستىق ىشكى ساياسات باسقارماسىمەن بىرلەسىپ تالدىقورعان قالاسىندا «QazTalks – اشىق اڭگىمە الاڭى» جاڭا جوباسىن وتكىزدى. جەتىسۋ جەرىندە بولعان اشىق اڭگىمەگە ءتۇرلى سالانىڭ كوشباسشىلارى، قوعامعا بەلگىلى ادامدار قاتىستى. ورتالىق كوممۋنيكاتسيالار قىزمەتىنىڭ الماتى وبلىسى ايماقتىق ءبولىمى تۇڭعىش رەت بەيرەسمي ءباسپاسوز شاراسىن وتكىزۋدە.

«ورتالىق كوممۋنيكاتسيالار قىزمەتى» رمم ديرەكتورى ارتۋر نىعمەتوۆ ءوزىنىڭ العى سوزىندە: «QazTalks اشىق اڭگىمە الاڭى» قر پرەزيدەنتى ن.ءا. نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا كورسەتىلگەن بىرقاتار يدەيالاردى جۇزەگە اسىرۋعا ارنالعان جيىن ەكەنىن اتاپ ءوتتى. سونىمەن قاتار، ورتالىق كوممۋنيكاتسيالار قىزمەتىنىڭ مەمەلەكەتتىڭ اقپاراتتىق ساياساتىن دۇرىس باعىتتا جۇرگىزەتىن ءىس-شارالارى تۋرالى ايتتى.

ساياسات مايتالماندارى «استانا» حالىقارالىق قارجى ورتالىعىنىڭ اتقارۋشى ديرەكتورى نۇربەك ساياسات، «ساكرالدى قازاقستان» عىلىمي-زەرتتەۋ ورتالىعىنىڭ باسشىسى بەرىك ابدىعالي ءوز ويلارىن ورتاعا سالدى.

ال عىلىم-ءبىلىم سالاسىن ساراپتاعان قر ۇعا كوررەسپوندەنت-مۇشەسى،      ا.بايتۇرسىنۇلى اتىنداعى ءتىل ءبىلىمى ينستيتۋتىنىڭ ديرەكتورى ەردەن قاجىبەك بولدى. ەردەن قاجىبەك اۋديتوريا الدىندا لاتىن قارىپىنە كوشۋ تيىمدىلىگى جايلى وي ءبولىستى. سپيكەردىڭ ايتۋىنشا، 1926 جىلى قازاقستاندا قايتادان جاڭا الىپبەشىلەر قوعامى قۇرىلىپ، ونىڭ قۇرامىندا ج.چومبالوۆ،  ت.رىسقۇلوۆ، ت.شونانوۆ، ا.بايسەيىتوۆ، ب.مايلين بولعان. 1927 جىلى 19 قاراشادا قىزىلوردادا لاتىن ءالىپبيىن قولدايتىن «جاڭا قازاق» ءالىپبيىنىڭ ورتالىق كوميتەتى قۇرىلادى. الايدا، قىزىل ساياساتتىڭ قۇربانى بولعان باستاما اياقسىز قالعان.

بۇگىندە قر پرەزيدەنتى ن. ءا. نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا كورسەتىلگەن مىندەتتەردىڭ ءبىرى − لاتىن ارىپىنە كوشۋدىڭ تيىمدىلىگىن ءوز بايانداماسىندا ءتۇسىندىرىپ بەردى. سونىمەن قاتار، بەلگىلى جۋرناليست-جۇرگىزۋشى، «جەتىسۋ» تەلەارناسىنىڭ ديرەكتورى بەيسەن قۇرانبەك پەن اتالعان ارنانىڭ «جاڭالىقتار» قىزمەتىنىڭ جەتەكشىسى ەسبولات ايدابوسىن «QazTalks» الاڭىنا شىقتى.

سپيكەرلەر اقپاراتتىق كەڭىستىكتەگى جاڭا كوممۋنيكاتسيالار تۋرالى ءوز تاجىريبە- يدەيالارىمەن ءبولىستى.

Abai.kz