قىرعىزستاندا پرەزيدەنت بولعىسى كەلەتىندەر سانى 59-عا جەتتى
31 شىلدەدەگى مالىمەت بويىنشا، پرەزيدەنت سايلاۋىنا قاتىسقىسى كەلەتىندەر سانى 59-عا جەتكەن.
قىرعىزستاننىڭ ورتالىق سايلاۋ كوميسسياسىنىڭ (وسك) مالىمەتى بويىنشا، ساياسي پارتيالار اتىنان پرەزيدەنتتىككە 11 ادام ۇسىنىلسا، ءوزىن ءوزى ۇسىنعاندارى سانى - 48 ادام. ءوزىن-ءوزى ۇسىنعانداردىڭ ىشىندە «اتا مەكەن» پارتياسىنىڭ ليدەرى، كوررۋپتسيامەن ايىپتالىپ قاماۋدا وتىرعان ومىربەك تەكەباەۆ پەن ەكس-دەپۋتات سادىر جاپاروۆ بار.
قىرعىزستاندا پرەزيدەنت سايلاۋى 15 قازاندا وتەدى. 31 شىلدە ۇمىتكەرلەردىڭ ءوتىنىشىن قابىلداۋدىڭ سوڭعى كۇنى.
وسك پرەزيدەنتتىككە كانديداتتاردىڭ ناقتى ءتىزىمىن 10 قىركۇيەكتە شىعارادى.
اباي اقپارات
