عابيت مۇسىرەپوۆ قورىنا 15 جىل
جاقىندا الماتى قالاسىنداعى ىقىلاس دۇكەنۇلى اتىنداعى حالىقتىق مۋزىكالىق اسپاپتار مۋزەيىندە عابيت مۇسىرەپوۆ اتىنداعى قوعامدىق قوردىڭ 15 جىلدىعى اتالىپ ءوتتى.
كەشتى عابيت مۇسىرەپوۆ اتىنداعى قوعامدىق قوردى قۇرۋشى ءام كۇنى بۇگىنگە دەيىن تىزگىنىن ۇستاپ كەلە جاتقان قوعام بەلسەندىسى عابيدەن جاكەي جۇرگىزىپ وتىردى.
حالىق اقىنى مۇحتار شاحانوۆ باستاعان ۇلت زيالىلارى قوردىڭ جۇمىسى، عابيت مۇسىرەپوۆتىڭ تىرشىلىكتەگى اعالىق پەيىلى جايلى ەستەلىكتەرىن ايتىپ، اقجارما تىلەكتەرىن اقتاردى.
"قوردىڭ 15 جىلدىعى قۇتتى بولسىن! عابەڭدەي ازاماتتىڭ اتىن يەمدەنىپ جۇرگەن قوردىڭ جۇمىسى ىلگەرى باسا بەرسىن. قور عابيت مۇسىرەپوۆ اتىندا بولعان سوڭ، مەن عابەڭنىڭ كوزىن كورگەن ادام رەتىندە ءبىر اۋىز ەستەلىك ايتايىن. عابەڭ تىرشىلىگىندە تازا ادام ەدى. مەنى ءوزىنىڭ ۇلىنداي كوردى، باتاسىن بەردى. ازاماتتىق ۇستانىمى نىق ادام ەدى. الاعاي دا بۇلاعاي زاماندا "بەيىمبەت جاۋ بولسا، مەن دە جاۋمىن!" دەۋ ەكىنىڭ ءبىرىنىڭ قولىنان كەلە بەرمەيتىن ەرلىك. عابەڭ سول ەرلىكتى كورسەتتى. سونىسىمەن دە ۇلگى", - دەدى اقىن مۇحتار شاحانوۆ..
(قور باسشىسى عابيدەن جاكەيدىڭ كەشتى رەسمي تۇردە اشۋ ءساتى)
اباي اقپارات
