ادىلەت مينيسترلىگنىڭ رەسمي اقپاراتى بويىنشا قازاقستاندا كوللەكتورلىق قىزمەت كورسەتەتىن 59 اگەنتتىك جۇمىس ىستەيدى. سونىڭ ىشىندە الماتى وبلىسىندا 12 اگەنتتىك بار. بۇل تۋرالى الماتى وبلىسىنىڭ وڭىرلىك كوممۋنيكاتسيالار قىزمەتى الاڭىندا بەلگىلى بولدى.

اعىمداعى  جىلدىڭ  2 ماۋسىمىندا عانا «كوللەكتورلىق قىزمەت تۋرالى» زاڭ  قولدانىسقا ەنگىزىلدى. بۇل زاڭ بانك سەكتورى مەن ميكروكرەديت سەكتورىندا پروبلەمالىق قارىزداردى ءوندىرىپ الىپ، تۋىندايتىن قۇقىقتىق قاتىناستاردى رەتتەۋگە باعىتتالعان.

«كوللەكتورلىق قىزمەت تۋرالى» كر زاڭىن قابىلدانۋىنا دەيىن، قارىز الۋشىلار ءۇشىن بىرنەشە نەگىزگى تاۋەكەلدەر بولدى:

بىرىنشىدەن - تالاپ ەتۋ قۇقىقتارى باسقا تۇلعالارعا بەرىلگەن كەزدە بانكتەردىڭ قارىز الۋشىلارى رەتتەۋ سالاسىنداعى ۋاكىلەتتى ورگاننىڭ قورعاۋىن جوعالتادى.

ەكىنشىدەن - نارىقتا قارىزداردى جيناۋعا باعىتتالعان ۇيىمدار قىزمەتىنىڭ زاڭدى نەگىزدەرى، جانە ۋاكىلەتتى باقىلاۋ ورگانى بولعان جوق.بۇل كوللەكتورلارعا اشىق ەمەس قىزمەتى ءۇشىن جاعداي جاسادى جانە قارىز جيناۋدىڭ زاڭسىز جانە ادەپسىز ادىستەرىن قولدانۋعا مۇمكىندىك بەرەدى.

ال، ۇشىنشىدەن، قارىز الۋشىعا قولايسىز شارتتاردا جاڭا كەلىسىم شارتتاردى نەمەسە قوسىمشا كەلىسىمدەردى ماجبۇرلەپ جاساۋ قاۋىپى بولدى، اتالعان جايت كرەديتورعا قولدانىلاتىن شەكتەۋلەردى بولدىرتپاۋ مۇمكىندىگى بار»، - دەدى قر ۇلتتىك بانكىنىڭ الماتى وبلىستىق فيليالى ديرەكتورىنىن ورىنباسارى ساكەنوۆا اليا.

زاڭ، سونداي-اق بورىشكەردىڭ الەۋمەتتىك جاۋاپكەرشىلىگىن ارتتىرۋدى كوزدەيدى. بورىشكەر ءوزىنىڭ كوللەكتورلىق اگەنتتىگىمەن بايلانىس جاساۋى ءتيىس.

الماتى وبلىسىنىڭ وڭىرلىك كوممۋنيكاتسيالار قىزمەتى

Abai.kz