«سەرپىن» الەۋمەتتىك جوباسى 2014 جىلدان باستاپ جۇمىس ىستەيدى. جوبانىڭ باستى ماقساتى رەسپۋبليكانىڭ وڭتۇستىك وڭىرىندەگى اۋىل جاستارىن ەڭبەك سۇرانىسى  كوپ باتىس جانە سولتۇستىك ايماقتارعا ءبىلىم الۋعا جىبەرۋ، كەيىن سول جەردە جۇمىسقا تۇرۋ مۇمكىندىگىن قاراستىرۋ.

جوبا رەسپۋبليكامىزدىڭ 9 ايماعىندا ورنالاسقان كوللەدجدەر مەن جوو-ى ساپالى ءبىلىم الۋعا مۇمكىندىك بەرەدى. بۇل تۋرالى الماتى وبلىسىنىڭ وڭىرلىك كوممۋنيكاتسيالار قىزمەتى الاڭىندا بەلگىلى بولدى.

بيىلعى وقۋ جىلىنا 25 جوعارعى وقۋ ورىندارىنا  3793 گرانت ءبولىندى. ونىڭ ىشىندە تەحنيكالىق ماماندىقتارعا 1898, اۋىل شارۋاشىلىق ماماندىقتارىنا 345 گرانت. جالپى وسى ءۇش جىل كولەمىندە الماتى وبلىسىنان 3000-نان استام ستۋدەنت جاستار باسقا وبلىستاردا وقۋ ورىندارىندا تەگىن ءبىلىم الىپ كەلەدى.

««سەرپىن» الەۋمەتتىك جوباسى ارقىلى باسقا ايماقتارعا كەتىپ جاتقان ستۋدەنتتەرىمىزگە بارلىق جاعداي جاسالعان. ماسەلەن، بىلىمگەرلەرگە 4 جىل بويى جاتاقحانا، ۇيىنە بارىپ قايتۋ جول اقىسى، شاكىرت اقىسى بەرىلەدى. شەت جاققا كەتىپ بارا جاتقاندىقتان سول جەردىڭ حالقى «سەرپىندىكتەردى» جىلى شىرايمەن قارسالىپ جاتادى. بۇل دەگەنىمىز داستۇرىمىزدەگى قوناقجايلىلىقتىڭ بەلگىسى ءالى دە بويمىزدا بارىن بىلدىرەدى»، - دەدى قر ءبىلىم جانە عىلىم مينيسترلىگىنىڭ «سەرپىن» ۇلتتىق جوبالار باسقارماسىنىڭ باسشىسى توباتاەۆا كۇلزيا.

Abai.kz