ولار بەرگەن اقپاراتقا قاراعاندا، وتكەن اپتادا مير-4 شاعىن اۋدانىنىڭ تۇرعىندارى تۇرعىن ۇيلەردىڭ بىرىنەن شىققان شۋدى باسۋ ءۇشىن پوليتسيا شاقىرتقان. ويىنشىلار پوليتسيا قىزمەتكەرلەرىنە پاتەر ەسىگىن اشپاعان سوڭ، شۇعىل ارەكەت ەتۋشى توپ ونى بۇزىپ كىرگەن.

ازاتتىق راديوسىنا قۇپيا تۇردە حابارلاعان پوليتسيا قىزمەتكەرىنىڭ ايتۋىنشا، پاتەردە 20 شاقتى ادام بولعان، ولاردىڭ ىشىندە ءۇش ايەل بار. كارتا ويىنىنا شامامەن ءبىر ميلليون دوللار تىگىلگەن.

دەرەككوز مالىمەتىنە قاراعاندا، قۇمار ويىنشىلار اراسىندا تۇركىمەنستاننىڭ شەتەلدەردەگى ديپلوماتيالىق قىزمەتىنىڭ وكىلدەرى بولعان. حابارلارعا قاراعاندا، وقيعا ورنىنا تۇركىمەنستان ۇلتتىق قاۋىپسىزدىك مينيسترلىگىنىڭ قىزمەتكەرلەرى دە بارعان. ولار حاتتاما تولتىرماستان، "قالعاندارىمەن ءوزىمىز اينالىسامىز" دەگەن اۋىزشا جاۋاپپەن پوليتسيا قىزمەتكەرلەرىن قايتارىپ جىبەرگەن.

بىرقاتار دەرەكتەرگە قاراعاندا، ۇستالعانداردىڭ دەنى، سولاردىڭ ىشىندە ديپلوماتتار قاماۋدان بوساتىلعان، بىراق كەيبىر جوعارى لاۋازىمدى شەنەۋنىكتەردىڭ ىستەرى سوتقا جولدانادى.

Abai.kz