قازىرگى تاڭدا «نۇرلى جەر» باعدارلاماسى اياسىندا بۇكىل قازاقستان بويىنشا تۇرعىن ءۇي قۇرىلىسى جۇرگىزىلۋدە. سونىڭ ءبىرى الماتى وبلىسىندا وسى جىلدىڭ اياعىنا دەيىن جالپى الاڭى 5918,4 شارشى مەتر بولاتىن 48 پاتەرلى تاۋن-حاۋستار سالىنۋى جوسپارلانۋدا. بۇل تۋرالى وبلىستىق وڭىرلىك كوممۋنيكاتسيالار قىزمەتى حابارلادى.

«نۇرلى-جەر» باعدارلامانىڭ ءمانى، جەرگە كەزەكتە تۇرعان ازاماتتار مەن تۇرعىن ءۇي قۇرىلىس جيناق بانكى سالىمشىلارىن بىرىكتىرۋ. جەر تەلىمىنە كەزەكتە تۇرعان ازاماتتار، تەك جەر عانا ەمەس، دايىن ءۇيدى الۋعا مۇمكىندىكتەرى بار.

«ۇمىتكەرلەر ءۇشىن ەكى ماڭىزدى شارت سايكەس بولۋى ءتيىس. ءبىرىنشىسى، جەر تەلىمىنە كەزەكتە تۇرۋى. ەكىنشىسى، تۇرعىن ءۇي قۇرىلىس جيناق بانكىندە جيناقتاۋ شوتى بولۋى ءتيىس. تۇرعىزىلعان عيماراتتار الاڭى 80 شارشى مەتردەن 123 مەترگە دەيىن اۋىتقىپ وتىرادى، 1 شارشى مەتر قۇنى 120 000 تەڭگەنى قۇرايدى. وسى باعدارلاما شەڭبەرىندە تۇرعىن ءۇيدى ساتىپ الۋ ءۇشىن تۇرعىن ءۇي قۇنىنىڭ باستاپقى 30% قازاقستاننىڭ تۇرعىن ءۇي قۇرىلىس جيناق بانكىنە ەنگىزىلەدى، نەسيە جىلىنا 5 %-بەن ەسەپتەلەدى. پاتەردى جەر كوميتەتىندە جەر ۋچاسكەسىنە كەزەكتە تۇرعان ازاماتتار الا الادى»، - دەدى «تالدىقورعان قالاسىنىڭ جەر قاتىناستارى ءبولىمى» مەملەكەتتىك مەكەمەسىنىڭ باسشىسى رۇستەم ساعىندىقۇلى.

باعدارلاماعا قاتىسۋى ءۇشىن مىندەتتى تالاپتىڭ ءبىرى ساتىپ الىناتىن تۇرعىن ءۇي قۇنىنىڭ 30%  كولەمىندە قاتىسۋشىنىڭ جەكە شوتىندا قارجى بولۋ كەرەكتىگى ايتىلدى.

ا.ورالبەكوۆا 

Abai.kz