الماتى وبلىسىنىڭ قۇراماسى  «شاپالاق» جايدارمان توبى «جاستار» رەسپۋبليكالىق فەستيۆالىندە جەڭىمپاز اتاندى. بۇل تۋرالى الماتى وبلىسىنىڭ وڭىرلىك كوممۋنيكاتسيالار قىزمەتى حابارلادى.

الماتى وبلىسىنىڭ قۇراماسى  «شاپالاق» جايدارمان توبىنىڭ قۇرىلعانىنا بيىل 5 جىل تولىپ وتىر. وسى ۋاقىت ارالىعىندا توپتىڭ قۇرامى بىرنەشە رەت اۋىسقانمەن كورسەتكەن ناتيجەلەرى وتە كوپ. ماسەلەن،  2016 جىلى الماتى قالاسىندا وتكەن ءبىرىنشى ليگادا 2 رەت فينالعا شىعىپ، اعىمداعى جىلدىڭ ماۋسىم ايىندا رەسپۋبليكالىق دەڭگەيدەگى  پاۆلودار وبلىسى اكىمىنىڭ كۋبوگى جايدارمان ويىنىندا ءى ورىن جانە شىعىس قازاقستان وبلىسى اكىمىنىڭ كۋبوگى جايدارمان ويىنىندا ءىىى ورىندى يەلەندى.

«جالپى «شاپالاق» جايدارمان توبىنىڭ باسقا قۇرامالاردان باستى ەرەكشەلىگى كەز كەلگەن ويىندا ءان شىرقاماي، بي بيلەمەي تەك ساياسي ازىلدەرمەن جەتكىزەدى. ونى حالىق تا، ءادىل قازىلار دا جاقسى تۇسىنىنەدى. كتك ويىندارى ءار ءتۇرلى اۋدان نەمەسە قالالاردا بولعاندىقتان  «شاپالاق» توبى سول جەردىڭ وزەكتى ماسەلەلەرىن العا تارتا وتىرىپ حالىقتى كۇلدىرتە بىلەدى جانە ءبىر وينالعان ءازىلدى ەكىنشى رەت شىعارمايدى»، - دەدى «شاپالاق» جايدارمان توبىنىڭ جەتەكشىسى ادىلبەك التايۇلى.

باسپاسوزگە قاتىسۋشىلار «شاپالاق» جايدارمان توبىنا كۇزدە وتەتىن جەتىسۋ ايماقتىق ليگاسى جايدارمانشىلار ويىندارىنا ساتتىلىك تىلەستى.

Abai.kz