نازارباەۆ لانكەستەردىڭ جولىن كەسۋگە شاقىردى
قازاقستان پرەزيدەنتى نۇرسۇلتان نازارباەۆ كۇش قۇرىلىمدارىن ەلدە قوعامدىق تۇراقسىزدىق ورناتۋعا تالپىنۋشىلاردىڭ جولىن كەسۋگە شاقىردى. نازارباەۆ ۇلتتىق قاۋىپسىزدىك كوميتەتىنىڭ قۇرىلعانىنا 25 جىل تولۋىنا وراي ۇيىمداستىرىلعان جيىندا وسىلاي دەپ مالىمدەدى.
"جاڭا گەوساياسي جاعداي ءبىزدى ۇنەمى ساق وتىرۋعا ماجبۇرلەدى. ءبىزدىڭ ەلىمىزگە جانە ۇلتتىق قاۋىپسىزدىككە حالىقارالىق ءدىني-ەكستەرميستىك ۇيىمدار دايىنداعان راديكالدىق توپتار قاۋىپ ءتوندىردى", - دەدى نازارباەۆ.
مەملەكەت باسشىسىنىڭ ايتۋىنشا، وسىنداي زۇلىمدىقپەن كۇرەستى قازاقستاندىق قوعام قولداعان. "بۇل بىزگە دەگەن سەنىمدى بىلدىرەدى", - دەپ تۇيىندەدى نازارباەۆ.
دەگەنمەن سىنشىلار قازاقستان بيلىگىنىڭ ەلدە قاۋىپسىزدىك ورناتۋعا تالپىنىسى كەزىندە ادام قۇقىقتارى ورەسكەل بۇزىلىپ، باق ەركىندىگى شەكتەلدى دەيدى.
Abai.kz
