- بىلەسىڭ بە، اعا؟ - دەدى ناۋرىزباي باتىر كەنەسارىعا. ەگەر وسى سوعىستان امان قالسام ءىلىم ۇيرەنەم. راسىندا ءبىز ناعىز كورسوقىر بولىپ كەلگەن ەكەنبىز عوي... مەن ءومىر بويى ىزدەگەن سۇراقتاردىڭ جاۋابى كىتاپتا جازىلعان ەكەن عوي اعا، - دەدى كوزدەرىن ىستىق جاس جۋىپ.

- سوندا قانداي كىتاپتان باستاماقسىڭ، ناۋانجان؟ - دەدى كەنەسارى دا قينالعانىن بىلدىرگىسى كەلمەي.

- ەگەر ءدال وسى جولى اجالدان امان قالسام قۇدىرەتتى قاسىم xاننان مۇراعا قالعان "جاۋلاپ الۋشىنىڭ قۇپيا-سىرلارىن" جاتپاي-تۇرماي وقيمىن. ءبىر وقىعاننان تۇسىنبەيسىڭ دەيدى عوي نىسانباي قاريا، بىراق مەن تۇسىنگەنشە وقي بەرەم. عىلىم جولىنا تۇسەمىن اعا. جاۋ كورسە تۇرا شاباتىن ەسەرلىگىمدى دە تاستايمىن، راس ايتام اعا. سەنىڭىز ماعان. قىلىشىمدى كىتاپقا ايىرباستايمىن. كەرەك دەسەڭىز ميعا كىرمەيتىن الدجەبر(الگەبرا) مەن ءپالساپانى دا ۇيرەنەم. تەك وسى جولى امان قالسام ەكەن. كۇش قارۋدا ەمەس، كىتاپتا ەكەن عوي اعا...

- بىزگە سونى كىشكەنتايىمىزدا ۇقتىراتىن ەشكىم بولماعانىن-اي، ناۋانجان. بىراق ءبىز ءوز تاڭداۋىمىزدى جاسادىق. كەلەر ۇرپاقتارىمىز قاتەلىگىمىزدى قايتالاماسا دەپ تىلەيىك ودان.

- اعا، ءومىر قانداي تاماشا، ءا؟! مەنىڭ قايتا ءومىر سۇرگىم كەلىپ كەتتى...

بىراق بۇل جولى اعاسى وعان جاۋاپ قاتپادى. ول باسىن بۇرعاندا قازاق ەلىنىڭ سوڭعى ءۇمىتىنىڭ باسى باتقان كۇنمەن بىرگە سايعا قاراي دومالاپ بارا جاتقان ەدى..."