«Coca-Cola بىلعارى دوپ»  تۋرنيرى  ەلىمىزدە 2006 جىلدان بەرى ءداستۇرلى تۇردە وتكىزىلىپ كەلەدى. ءدۇبىرلى دودا  وسكەلەڭ ۇرپاقتى سپورتقا باۋلىپ، تالانتتى جاس فۋتبولشىلاردى ىرىكتەۋگە باعىتتالعان رەسپۋبليكالىق شارا. بيىل تۋرنيرگە ەلىمىزدىڭ ءار وڭىرلەرىنەن(11 وبلىس، الماتى قالاسى) جەڭىمپاز كوماندالار قاتىسىپ، ءى ورىندى الماتى وبلىسى تەكەلى قالاسىنىڭ  №8 ورتا مەكتەبىنىڭ وقۋشىلارى  قانجىعاسىنا بايلادى.  بۇل تۋرالى الماتى وبلىسىنىڭ وڭىرلىك كوممۋنيكاتسيالار قىزمەتى الاڭىندا وبلىستىق ءبىلىم باسقارماسىنىڭ بۇقارالىق سپورت ءبولىمىنىڭ جەتەكشىسى نۇرلان ەربولاتۇلى مالىمدەدى.

جارىس 2017 جىلدىڭ 10-18 ماۋسىم ارالىعىندا، شىمكەنت قالاسىندا ءوتتى. وعان الماتى وبلىسىنىڭ اتىنان تەكەلى قالاسىنىڭ  №8 ورتا مەكتەبىنىڭ 2004-2005 جىلعى جاس جەتكىنشەكتەرى قاتىستى. جالپى بيىلعى «Coca-Cola بىلعارى دوپ» جارىسى 2002-2003 جانە 2006-2007 جىلى تۋعان وقۋشىلار اراسىندا بولاتىنى ايتىلدى.

«ءبىز بۇل جارىسقا ۇلكەن دايىندىقپەن باردىق. كۇندە ستاديونعا بارىپ، بالالارمەن جاتتىعاتىنبىز. وسى ءۇشىن ۇلكەن تەر توگىپ، ەڭبەگىمىز تولىقتاي اقتالدى. باسقا قالاعا بارا جاتقاندىقتان كوپ قوبالجۋلار بولدى، بىراق ءبىزدى شىمكەنت قالاسى وتە جاقسى قارسى الدى. سوندىقتان بارلىعىنا العىسىم شەكسىز»، - دەدى «سۇڭقار» كومانداسىنىڭ كاپيتانى قۇرمانتاي ارسەن.

جەڭىمپازدار مەن جۇلدەگەرلەر ارنايى كۋبوكتارمەن جانە مەدالدارمەن ماراپاتتالدى.

ا.ورالبەكوۆا

الماتى وبلىسىنىڭ وڭىرلىك كوممۋنيكاتسيالار قىزمەتى

اباي-اقپارات