الماتى وبلىسىنىڭ وڭىرلىك كوممۋنيكاتسيالار قىزمەتىندە نازارباەۆ زياتكەرلىك مەكتەبىنىڭ ديرەكتورىنىڭ تاربيە ءىسى بويىنشا ورىنباسارى گۇلناز جەتپىسبايقىزى مەن اقتوبە، اتىراۋ قالالارىنداعى نازارباەۆ زياتكەرلىك مەكتەپتەرىنىڭ وقۋشىلارى قايىرجان جانەل مەن كوڭىلقوش بەك ءباسپاسوز ءماسليحاتىن وتكىزدى. وندا دارىندى وقۋشىلارعا ارنالعان «تۋعان ەلگە تاعزىم» جوباسى جايلى ايتىلدى، - دەپ حابارلايدى اباي-اقپارات.

«تۋعان ەلگە تاعزىم» جوباسى نازارباەۆ زياتكەرلىك مەكتەپتەردە 2012 جىلدان باستاۋ العان.  جوبا وقۋشىلاردىڭ پاتريوتتىق سەزىمىن  تاربيەلەۋگە ارنالعان. باستى ەرەكشەلىكتەردىڭ ءبىرى - نازارباەۆ زياتكەرلىك مەكتەپتەپتەرىنىڭ وقۋشىلارىن قازاقستاننىڭ بارلىق  جەرلەرىن ارالاتىپ، سول ەلدى-مەكەننىڭ تاريحىن، فلورا مەن فاۋناسىن، مۇراجايلارىن، ارحەولوگيالىق قازبا جۇمىستارىن،يندۋستريالدى وبەكتىلەن تانىستىرۋعا باعىتتالعانى ايتىلدى.

«بۇل جوبادا ءار زياتكەرلىك مەكتەپتەن 7-10 سىنىپ ارالىعىنداعى وقۋشىلار ءبىلىم، سپورت، ونەر سالالارىندا جەتكەن جەتىستىكتەرى ءۇشىن ىرىكتەلىپ الىنادى. ەكسپەديتسيادان كەيىن وقۋشىلار ومىرلىك تاجىريبەسىن ارتتىرىپ، زەرتەگەن قالانىڭ، اۋداننىڭ تاريحىن بىلەدى. جوبا اياقتالعان سوڭ، وقۋشىلاردىڭ جازعان كۇندەلىكتەرى مەن عىلىمي جوبالارى تولىقتاي زەرتتەلىپ، مەكتەپ كىتاپحاناسىندا ساقتالماق. ونى مۇعالىمدەر، كىشى سىنىپتارداعى وقۋشىلار وقي الادى» - دەدى نازارباەۆ زياتكەرلىك مەكتەبىنىڭ ديرەكتورىنىڭ تاربيە ءىسى بويىنشا ورىنباسارى گۋلناز جەتپىسبايقىزى.

ەكسپەديتسيا جىل سايىن الما-كەزەك ەكى باعىتتا وتەدى: عىلىمي جانە تانىمدىلىق. جالپى وسى 5 جىل كولەمىندە تالدىقورعان قالاسىنىڭ 159 وقۋشىسى كوكشەتاۋ، اقتوبە، اتىراۋ، سەمەي، تاراز، قىزىلوردا، وسكەمەن، شىمكەنت قالالارىنا بارىپ، زەرتتەۋ جۇمىستارىن جۇرگىزىپ قايتقان. بيىل نازارباەۆ زياتكەرلىك مەكتەپتەرى بويىنشا 240 وقۋشى، 40 جاۋاپتى قىزمەتكەر بەكىتىلگەنى جايلى ايتىلدى.

اتالمىش جوبا 10-19 ماۋسىم ارالىعىندا وتەدى.

ا. ورالبەكوۆا 

اباي-اقپارات