«ەكسپو-2017» حالىقارالىق كورمەسىن العاشقى كۇنى 10 مىڭنان استام ادام تاماشالادى
«ەكسپو-2017» حالىقارالىق كورمەسىن العاشقى كۇنى 10 مىڭنان استام ادام تاماشالادى. بۇل تۋرالى ارنايى ءباسپاسوز ءماسليحاتىندا «استانا ەكسپو-2017» ۇق» اق باسقارما توراعاسى احمەتجان ەسىموۆ مالىمدەدى، دەپ حابارلايدى Baq.kz ءتىلشىسى.
«ماعان ارنايى ەسەپ اكەلىندى. وندا ساعات 14:00-گە دەيىن كورمەگە 9 832 ادام كەلگەنى كورسەتىلگەن. ءاربىر ساعات سايىن ادامداردىڭ سانى كوبەيۋدە. ال ساعات 15:00-دە كورمەنى 10 مىڭنان استام ادام تاماشالادى»، - دەدى باسقارما توراعاسى.
احمەتجان ەسىموۆ الەمنىڭ 115 مەملەكەتى قاتىسىپ جاتقان ماڭىزدى شارادا قاۋىپسىزدىك ماسەلەسى باستى نازاردا ەكەندىگىن اتاپ ءوتتى.
«الەمدە بولىپ جاتقان سوڭعى وقيعالارعا بايلانىستى كورمەنىڭ قاۋىپسىزدىگىنە باسا ءمان بەرىلدى. ونى كەلگەن قوناقتار سەزىندى»، - دەدى ول.
داۋرەن ەربولات
Baq.kz
