رەسەي اتىراۋ وبلىسىنا قاراستى 625 مىڭ گەكتار جەردى قازاقستاننىڭ مەملەكەتتىڭ قورىنا قايتارىپ بەرەتىن بولدى. بۇل تۋرالى وبلىستىق جەر قاتىناستارى باسقارماسىنىڭ جەتەكشىسى ارمان باجەنوۆ ءمالىم ەتتى.

«قازاقستاننىڭ اكتيۆىنە تايسويعان پاليگونىنا تيەسىلى جەرلەر قايتارىلاتىن بولدى. 749,6 مىڭ گەكتاردىڭ 624,6 مىڭ گەكتارى بيىل بەرىلەدى. بۇل جەرلەر رەسەي فەدەراتسياسى قارۋلى كۇشتەرىنىڭ جالعا الىپ وتىرعان جەرلەرى ەدى. ەندى بۇل جەرلەر اۋىلشارۋاشىلىعى ماقساتىندا پايدالانىلاتىن بولادى. اسىرەسە جايىلىم رەتىندە جانە شارۋالارعا بەرىلەدى. جانە ءبىر بولىگى مۇناي وڭدەۋ جۇمىستارىنا باعىتتالۋى مۇمكىن. مۇنىڭ بارلىعى ءوڭىردىڭ ەكونوميكالىق الەۋەتىن كوتەرۋگە ۇلكەن سەپتىگى تيەتىنى ءسوزسىز»، — دەيدى ارمان باجەنوۆ.

ەستەرىڭىزگە سالا كەتەيىك، پارلامەنت سەناتى قازاقستان مەن رەسەي اراسىنداعى جەردى جالعا بەرۋ تۋرالى كەلىسىمدەردى قايتا قاراپ شىققان ەدى. ءسويتىپ، 1995 جىلعى 20 قاڭتاردا جاسالعان كەلىسىم بويىنشا ەمبى پوليگونىن رەسەيگە جالعا بەرۋ تۋرالى شارتتىڭ مەرزىمىنىڭ اياقتالعانىن ايتقان.

ال قر قورعانىس ءمينيسترىنىڭ ورىنباسارى تالعات مۇحتاروۆ رەسەيلىكتەر قايتارىپ بەرگەن ەمبى پوليگونىن اۋىلشارۋاشىلىق ماقساتىندا پايدالاناتىنىن ايتىپ وتىر.

Abai.kz