استانا. 3 ماۋسىم. قازتاگ - ايناگۇل بەكەەۆا. قر ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى، قر ستاتيستيكا  اگەنتتىگىنىڭ توراعا ورىنباسارى نۇرمان بايانوۆ حلىق ساناعىنا دەپ بولىنگەن بيۋدجەت قاراجاتىن جىمقىرعان دەگەن جانە اگەنتتىكتىڭ توراعا ورىنباسارى بىرلىك مەڭدىباەۆ وعان ارالاسقان دەگەن كۇدىكپەن تۇتقىندالدى. بۇل تۋرالى اگەنتتىكتىڭ رەسمي وكىلى مۇرات جۇمانباي حابارلادى. 

«مەملەكەت بولگەن قارجىنى ستاتاگەنتتىكتىڭ لاۋازىم يەلەرى ۇستەمەلەپ جازىپ، كەيىن جىمقىرعانى انىقتالدى. حالىق ساناعىن جۇرگىزۋگە قاجەت جابدىقتار الۋعا دەپ بولىنگەن بيۋدجەتتىك قاراجاتتى قىزمەت بابىن پايدالانىپ جىمقىرۋ بويىنشا ستاتاگەنتتىكتىڭ توراعا ورىنباسارى ن. بايانوۆقا ايىپ تاعىلدى. جىمقىرۋعا قاتىسقان دەگەن كۇدىكپەن 2 ماۋسىمدا ستاتاگەنتتىكتىڭ باسقا ورىنباسارى -  ب. مەڭدىباەۆ ۇستالدى»، - دەدى ول سارسەنبى كۇنگى بريفينگتە. 

مۇرات جۇمانباي سوت رۇقساتىمەن ن. بايانوۆ 28 مامىردا تۇتقىندالعانىن جەتكىزدى.

ۇلتتىق حالىق ساناعىن جۇرگىزۋگە رەسپۋبليكالىق بيۋدجەتتەن 1 ملرد 144 ملن تەڭگە بولىنگەن.

«تەرگەۋ بارىسىندا شىن مانىندە ۇلتتىق ساناق 379 ملن تەڭگەگە جۇرگىزىلگەنى انىقتالعان، ال قالعان 764,8 ملن تەڭگە اگەنتتىك باسشىلارى جانە جەكە كاسىپورىنداردىڭ جەتەكشىلەرىمەن جىمقىرىلعان»، - دەپ ءتۇسىندىردى ول.

استانا. 3 ماۋسىم. قازتاگ - ايناگۇل بەكەەۆا. قر ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى، قر ستاتيستيكا  اگەنتتىگىنىڭ توراعا ورىنباسارى نۇرمان بايانوۆ حلىق ساناعىنا دەپ بولىنگەن بيۋدجەت قاراجاتىن جىمقىرعان دەگەن جانە اگەنتتىكتىڭ توراعا ورىنباسارى بىرلىك مەڭدىباەۆ وعان ارالاسقان دەگەن كۇدىكپەن تۇتقىندالدى. بۇل تۋرالى اگەنتتىكتىڭ رەسمي وكىلى مۇرات جۇمانباي حابارلادى. 

«مەملەكەت بولگەن قارجىنى ستاتاگەنتتىكتىڭ لاۋازىم يەلەرى ۇستەمەلەپ جازىپ، كەيىن جىمقىرعانى انىقتالدى. حالىق ساناعىن جۇرگىزۋگە قاجەت جابدىقتار الۋعا دەپ بولىنگەن بيۋدجەتتىك قاراجاتتى قىزمەت بابىن پايدالانىپ جىمقىرۋ بويىنشا ستاتاگەنتتىكتىڭ توراعا ورىنباسارى ن. بايانوۆقا ايىپ تاعىلدى. جىمقىرۋعا قاتىسقان دەگەن كۇدىكپەن 2 ماۋسىمدا ستاتاگەنتتىكتىڭ باسقا ورىنباسارى -  ب. مەڭدىباەۆ ۇستالدى»، - دەدى ول سارسەنبى كۇنگى بريفينگتە. 

مۇرات جۇمانباي سوت رۇقساتىمەن ن. بايانوۆ 28 مامىردا تۇتقىندالعانىن جەتكىزدى.

ۇلتتىق حالىق ساناعىن جۇرگىزۋگە رەسپۋبليكالىق بيۋدجەتتەن 1 ملرد 144 ملن تەڭگە بولىنگەن.

«تەرگەۋ بارىسىندا شىن مانىندە ۇلتتىق ساناق 379 ملن تەڭگەگە جۇرگىزىلگەنى انىقتالعان، ال قالعان 764,8 ملن تەڭگە اگەنتتىك باسشىلارى جانە جەكە كاسىپورىنداردىڭ جەتەكشىلەرىمەن جىمقىرىلعان»، - دەپ ءتۇسىندىردى ول.

ونىڭ ايتۋىنشا، بۇگىنگە ساناققا قاجەت جابدىقتاردى مەملەكەتتىك ساتىپ الۋلارداعى اشىق بايقاۋعا قاتىسقان كاسىپورىنداردا كەشەندى تەكسەرىستەر جۇرگىزىلىپ جاتىر، ولاردىڭ ەسەپ شوتتارىنا قاماۋ جاريالانعان. بايقاۋعا قاتىسۋ ءۇشىن 14 ءوتىنىم تۇسكەن جانە ونىڭ ىشىندە سانكت-پەتەربۋرگتىك  «تيپوگرافيا ۆزلەت» جاق تا بار.

«بىراق «فيرما «كيiك»جشس-تەن باسقا 13 ءوتىنىم ن. بايانوۆ باسقارعان بايقاۋ كوميسسياسىمەن نەگىزسىز بايقاۋدان شىعارىلىپ تاستالعان دا، بايقاۋ وتپەدى دەپ تانىلعان.

لاۋازىم يەلەرى وزدەرىنىڭ قىلمىستىڭ جوسپارىن ىسكە اسىرۋ ءۇشىن حالىق ساناعىنا قاجەت جابدىقتاردى «كيىك» فيرماسىنان ساتىپ الۋدى ۇيعارعان»، - دەيدى م. جۇمانباي.

كەيىن اتالعان فيرما، دەپ ءتۇسىندىردى ول، جابدىقتاردى ءۇشىنشى كاسىپورىندار ارقىلى، شىن مانىندە 183,3 ملن تەڭگەگە سانكت-پەتەربۋرگتىك  «تيپوگرافيا ۆزلەت» جاق-نان ساتىپ الىپ جەتكىزگەن. ال ءدال وسى «تيپوگرافيا ۆزلەتتىڭ» ءوتىنىمىن بايقاۋ كوميسسياسى كەزىندە نەگىزسىز قابىلداماي قويعان. «كيىك» فيرماسىنىڭ ءوزى جابدىقتاردى 144,9 ملن تەڭگەگە دايىنداعان.

«بيۋدجەتتىك تاپسىرىستى تولتىرعاندا ستاتاگەنتتىك لاۋازىم يەلەرى جالعان باعا ۇسىنىسىنىڭ ارقاسىندا ءبىر بلانكتىڭ باعاسىن 15 تەڭگە دەپ كورسەتكەن. بيۋدجەتتىك ءوتىنىم قابىلدانعان سوڭ، ن. بايانوۆ ءبىر بلانكتىڭ باعاسىن 7 تەڭگە دەپ وزگەرتىپ، ال ساتىپ الۋلاردىڭ الدىندا بۇل باعانى ول نەگىزسىز قايتادان 17 تەڭگە دەپ كورسەتكەن»، - دەيدى م. جۇمانباي.

ءسويتىپ جەتكىزۋشىگە بيۋدجەت قاراستىرعان قاراجات تولەنىپ، سونىڭ ناتيجەسىندە 700 ملن تەڭگە جىمقىرىلعان، ونىڭ ىشىندە 497,8 ملن تەڭگە جالعان كاسىپورىنداردىڭ ەسەپ شوتتارى  ارقىلى ناقتى اقشاعا اينالدىرىلعان.