2017 جىلدىڭ 2 ماۋسىمىندا شىمكەنت قالاسىندا «ونوماستيكا سالاسىنداعى جۇمىستاردى ۇيىمداستىرۋدىڭ وزەكتى ماسەلەلەرى» اتتى رەسپۋبليكالىق سەمينار وتەدى، - دەپ حابارلايدى اباي-اقپارات.

قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىندا بەلگىلەنگەن ماقساتتار مەن مىندەتتەردىڭ ءبىرى – ونوماستيكا سالاسىن رەتتەيتىن نورماتيۆتىك قۇقىقتىق بازانى جەتىلدىرۋ. ەلىمىزدەگى جەر-سۋ، كوشە اتاۋلارىن رەتتەۋ، كورنەكى اقپاراتار مەن جارناما ماتىندەرىن راسىمدەۋدى بىرىزدەندىرۋ بولىپ تابىلادى.

قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى مەن ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى بىرلەسە ۇيىمداستىرعان شارادا وڭىرلەردەگى ونوماستيكالىق احۋال ءسوز بولادى. يدەولوگيالىق تۇرعىدان ەسكىرگەن اتاۋلاردى تاريحي جەر-سۋ جانە ۇلتتىق تانىمعا جاقىن ءداستۇرلى اتاۋلارمەن وزگەرتۋ ماسەلەلەرى قارالادى.

سەمينار جۇمىسىنا قازاقستان رەسپۋبليكاسى ۇكىمەتى جانىنداعى رەسپۋبليكالىق ونوماستيكا كوميسسياسىنىڭ مۇشەلەرى، ونوماست-عالىمدار، وبلىستىق ءتىل باسقارمالارى مەن ونوماستيكا بولىمدەرىنىڭ باسشىلارى، زيالى قاۋىم وكىلدەرى قاتىسادى.

باسقوسۋدى قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى توراعاسىنىڭ ورىنباسارى ع. مەلدەشوۆ جۇرگىزەدى.

اباي-اقپارات