بۇل تۋرالى Facebook جەلىسىندە پاۆەل كوكتىشەۆ ەسىمدى قولدانۋشى جازدى. كۋاگەر ۇسەنوۆتىڭ ۇشاق بورتىندا شىلىم شەككەنىن جانە جۇرتتىڭ مازاسىن العانىن جازدى.

"ەلدىڭ زاڭى جۇمىس ىستەمەسە، فيزيكا زاڭدارى جۇمىس ىستەۋى مۇمكىن... بۇگىن بانگكوككە بۇگىنگى رەيسپەن ماقسات ۇسەنوۆپەن بىرگە ۇشتىم. ءبىزدىڭ سوتقا سۇراعىم بار، نەگە مەن سياقتى زاڭعا باعىناتىن ازاماتتى قاۋىپتە قالدىرادى؟ ۇسەنوۆ ۇشۋ بارىسىندا تىنىش وتىرا المادى، كورشىلەرىن مازاق ەتتى، باستاپقىدا ستيۋاردەسسالاردان شىلىم شەگۋگە رۇقسات بەرۋىن جالىنىپ، كەيىن ءتىپتى 200 باكس ۇسىندى، سوسىن اقىرى تەمەكى شەككەن سياقتى، سەبەبى ستيۋاردەسسالار اكت تولتىرىپ بەردى. بىردەڭە بۇلدىرمەسىن دەپ ەكيپاجدىڭ جارتىسى ونى باقىلاۋمەن بولدى. وتە ىڭعايسىز بولدى. ۇيىقتاپ العاننان كەيىن دە قۋىن توقتاتپادى، بەلبەۋ تاعۋدان باس تارتىپ، ارقالىعىن كوتەرگىسى كەلمەدى. سوڭىندا قونعان كەزىمىزدە جەرگىلىكتى پوليتسيا جاساعى ونى الىپ كەتتى. ەكيپاج، جارايسىزدار!", - دەپ جازدى Facebook جەلىسىندە پاۆەل كوكتىشەۆ.

ەسكە سالايىق، ماقسات ۇسەنوۆ ادام قاعىپ ولتىرگەنى ءۇشىن سوتتى بولعان ەدى. الايدا الەۋمەتتىك جەلىلەردە سوتتىڭ ۇسەنوۆكە جەڭىل جازا تاعايىنداعانى قىزۋ تالقىلانعان بولاتىن.

Abai.kz