الماتى وبلىسىنىڭ وڭىرلىك كوممۋنيكاتسيالار قىزمەتى الاڭىندا وتكەن ءباسپاسوز كونفەرەنتسياسىندا «اتامەكەن» ۇكپ وكىلدەرى شارۋا قوجالىقتارى مەن كاسىپورىنداردىڭ وكىلدەرى ءۇشىن وقىتۋ سەمينارلارىن ۇيىمداستىرىپ جاتقاندىعى  تۋرالى باياندادى.

جەتىسۋ وڭىرىندە  مال شارۋاشىلىعى مەن وسىمدىك شارۋاشىلىعىنا ارنالعان، ونىڭ ىشىندە قوي ءوسىرۋ، اكۆامادەنيەت، جەمىس-جيدەك، ءداندى داقىل، بۇرشاق داندىلەر مەن جەم-شوپتىك داقىلداردى ءوسىرۋ مەن كۇتۋگە ارنالعان سەمينارلار ۇيىمداستىرىلۋدا. العاشقى سەمينار قاراساي اۋدانىندا ءوتىپ، بال ءوندىرۋدىڭ قىر-سىرىنا ارنالعان بولاتىن. جالپى 26 سەمينار ۇيىمداستىرىلىپ، وندا 400-دەن استام ادامدى قامتۋ جوسپارلانعان. نەگىزىنەن سەمينارلار وزەكتى بولىپ وتىرعان اۋىل شارۋاشىلىعى كووپەراتيۆتەرىن قۇرۋ مەن جۇرگىزۋ تاقىرىپتارىندا وتكىزىلەدى.

«اگروبىلىكتىلىك ورتالىعى اياسىنداعى تەگىن وقۋلار ەكىنشى جىل قاتارىنان ءوتىپ كەلەدى. بيىل ۆەتەرينار-سانيتارلىق قاۋىپسىزدىك ماسەلەسىنە ەرەكشە كوڭىل بولىنەدى. وسى سالاداعى سۇراقتار وتە كۇردەلى جانە وزەكتى بولىپ سانالادى. بۇل باعىتتا ءبىز ەسكەلدى جانە قاراساي اۋدانىندا وقۋ وتكىزەمىز»، - دەپ اتاپ ءوتتى الماتى وبلىسى كاسىپكەرلەر پالاتاسىنىڭ اگروونەركاسىپ كەشەنى ءبولىمىنىڭ باسشىسى داۋرەن وڭالباەۆ.

سەمينارعا جاس كاسىپكەرلەرمەن قاتار، تاجىريبەلى باسشىلار مەن كاسىپورىن قىزمەتكەرلەرى قاتىسۋدا. تەوريا مەن تاجىريبەنى وتاندىق عالىمدار جانە شەتەل ساراپشىلارى جۇرگىزەدى. وقۋ كۇنى اياقتالعان سوڭ، بارلىق قاتىسۋشىلارعا ارنايى سەرتيفيكات بەرىلەدى. ايتا كەتەيىك، وتكەن جىلى وڭىردە 135 سەمينار وتكىزىلىپ، وعان 2 مىڭنان استام فەرمەر قاتىسقان بولاتىن.

اباي-اقپارات