قۇرىلىسشى ەڭ بەيبىت، جاسامپاز ماماندىقتاردىڭ بىرىنەن سانالادى. بۇل ماماندىق يەلەرىنىڭ جازدىڭ اپتاپ ىستىعىنا، جاۋىن-شاشىنعا، كۇننىڭ ۇسكىرىك سۋىقتىعىنا قاراماستان ەڭبەك ەتىپ، قالىڭ جۇرتشىلىقتى جاڭا باسپانا نەمەسە ساۋلەتتى مادەنيەت ءۇيى، مەكتەپ، اۋرۋحانا سىقىلدى نىساندارمەن قۋانتىپ جۇرگەندەرى... بۇكىل الەم كوز تىگىپ، تاڭداي قاققان تاۋەلسىز مەملەكەتىمىزدىڭ جاس استاناسى استانانىڭ دا سۇلىكتەي سۇلۋ كوشەلەرى مەن ءزاۋلىم عيماراتتارىندا، جاڭا تۇرعىن ءۇي كەشەندەرىندە قۇرىش قولدى قۇرىلىسشىلاردىڭ قولتاڭباسى قالىپ جاتىر. سونداي-اق ءبىزدىڭ ءوڭىردىڭ دە جىل ساناپ وركەندەۋىندە، ەكونوميكاسىنىڭ ورگە تارتۋى استارىندا قۇرىلىس سالاسىنىڭ وزىندىك ۇلەسى زور ەكەندىگى ايقىن.

بيىلعى التى اي ىشىندە وبلىس قۇرىلىسشىلارى 10375,7 ملن. تەڭگەنىڭ قۇرىلىس جۇمىستارىن يگەردى. وسى مەرزىمدە 76,1 مىڭ شارشى مەتر تۇرعىن ءۇي سا­لىنىپ، پايدالانۋعا بەرىلدى. بۇل وتكەن جىلدىڭ سايكەس كە­زەڭىندەگى كورسەتكىشپەن سا­لىس­تىرعاندا 136,1 پايىزدى قۇ­رادى. ورال قالاسىندا «تۇر­عىن ءۇي - جاستارعا» باع­دار­لاماسى بويىنشا ەكىنشى 90 ءپا­تەر­لىك، الەۋمەتتىك جاعىنان از قامتىلعان وتباسىلارعا ار­نالعان ەكىنشى 240 پاتەرلىك ءۇي بوي كوتەردى. سونىمەن قاتار جەكە ءۇي قۇرىلىس جۇمىستارى دا قارقىن الىپ وتىر. اسىرەسە، جەكە ءۇي قۇرىلىسىن سالۋ وتكەن جىلمەن سالىستىرعاندا جاڭاقالا، جانىبەك، قازتالوۆ، قاراتوبە، سىرىم، تەرەكتى، شىڭعىرلاۋ اۋداندارىندا ءجا­نە ورال قالاسىندا ەداۋىر وسكەن.

قۇرىلىسشى ەڭ بەيبىت، جاسامپاز ماماندىقتاردىڭ بىرىنەن سانالادى. بۇل ماماندىق يەلەرىنىڭ جازدىڭ اپتاپ ىستىعىنا، جاۋىن-شاشىنعا، كۇننىڭ ۇسكىرىك سۋىقتىعىنا قاراماستان ەڭبەك ەتىپ، قالىڭ جۇرتشىلىقتى جاڭا باسپانا نەمەسە ساۋلەتتى مادەنيەت ءۇيى، مەكتەپ، اۋرۋحانا سىقىلدى نىساندارمەن قۋانتىپ جۇرگەندەرى... بۇكىل الەم كوز تىگىپ، تاڭداي قاققان تاۋەلسىز مەملەكەتىمىزدىڭ جاس استاناسى استانانىڭ دا سۇلىكتەي سۇلۋ كوشەلەرى مەن ءزاۋلىم عيماراتتارىندا، جاڭا تۇرعىن ءۇي كەشەندەرىندە قۇرىش قولدى قۇرىلىسشىلاردىڭ قولتاڭباسى قالىپ جاتىر. سونداي-اق ءبىزدىڭ ءوڭىردىڭ دە جىل ساناپ وركەندەۋىندە، ەكونوميكاسىنىڭ ورگە تارتۋى استارىندا قۇرىلىس سالاسىنىڭ وزىندىك ۇلەسى زور ەكەندىگى ايقىن.

بيىلعى التى اي ىشىندە وبلىس قۇرىلىسشىلارى 10375,7 ملن. تەڭگەنىڭ قۇرىلىس جۇمىستارىن يگەردى. وسى مەرزىمدە 76,1 مىڭ شارشى مەتر تۇرعىن ءۇي سا­لىنىپ، پايدالانۋعا بەرىلدى. بۇل وتكەن جىلدىڭ سايكەس كە­زەڭىندەگى كورسەتكىشپەن سا­لىس­تىرعاندا 136,1 پايىزدى قۇ­رادى. ورال قالاسىندا «تۇر­عىن ءۇي - جاستارعا» باع­دار­لاماسى بويىنشا ەكىنشى 90 ءپا­تەر­لىك، الەۋمەتتىك جاعىنان از قامتىلعان وتباسىلارعا ار­نالعان ەكىنشى 240 پاتەرلىك ءۇي بوي كوتەردى. سونىمەن قاتار جەكە ءۇي قۇرىلىس جۇمىستارى دا قارقىن الىپ وتىر. اسىرەسە، جەكە ءۇي قۇرىلىسىن سالۋ وتكەن جىلمەن سالىستىرعاندا جاڭاقالا، جانىبەك، قازتالوۆ، قاراتوبە، سىرىم، تەرەكتى، شىڭعىرلاۋ اۋداندارىندا ءجا­نە ورال قالاسىندا ەداۋىر وسكەن.

كۇللى ەلىمىزدەگىدەي «100 مەكتەپ، 100 اۋرۋحانا» باع­دار­لاماسى  بويىنشا وبلى­سىمىزعا بيىلعا 406 ملن. تەڭگە قارالعان بولسا، وعان ورالداعى 9-شاعىناۋداندا 128 پاتەرلىك تۇرعىن ءۇي (مەردىگەرى «بولاشاق» جشس) مەن زەلەنوۆ اۋدانىنداعى 15 ءبىر پاتەرلىك نەسيەلىك تۇرعىن ءۇي قۇرىلىسىن اياقتاۋ كوزدەلۋدە. (قارجىلاندىرۋ جوسپارىنا سايكەس ءبىرىنشى جارتىجىلدىقتا تاپسىرىس بەرۋشىلەرگە (قالا­لىق جانە زەلەنوۆ اۋدانى اكىمدىكتەرىنە) 235,6 ملن. تەڭگە اۋدارىلىپ، قوماقتى قارجى تولىقتاي يگەرىلدى.

- وبلىسىمىزدا كوم­مۋ­نال­دىق تۇرعىن ءۇي قۇرىلىسىنا رەسپۋبليكالىق ترانسفەرتتەر­دەن بيىلعا 586 ملن. تەڭگە بولىنگەن. بولىنگەن قارجىعا 10,3 مىڭ شارشى مەتر كوممۋنالدىق (جالعا  بەرىلەتىن) تۇرعىن ءۇي سالۋ كوزدەلگەن. سونىڭ ىشىندە ورال قالاسىندا  75 پاتەرلىك  جانە12 اۋداندا  ءبىر-ەكى پاتەرلىك تۇرعىن ءۇي قۇرىلىسىن جۇرگىزۋ جوسپارلانعان. اعىمداعى جىل­دىڭ التى اي مەرزىمى ىشىندە جوسپارلى بولىنگەن 282,8 ملن. تەڭگە 100 پايىز يگەرىلىپ وتىر.  قازىرگى ۋاقىتتا جالعا بەرىلەتىن ءۇي قۇرىلىسى قارقىندى جۇرۋدە، - دەدى وبلىستىق قۇرىلىس باسقارماسىنىڭ ءبولىم باستىعى ناتاليا شاتالوۆا (نىسانداردى كەستەدەن قارا­ڭىز).

سونداي-اق بيىل ينجەنەر­لىك-كوممۋنيكاتسيالىق ينفرا­قۇ­رى­لىم­دار قۇرىلىسىنا 1425,0 ملن. تەڭگە رەسپۋبليكالىق ترا­نس­فەرت­تەر بولىنگەن. ونىڭ 1232,0 ملن. تەڭگەسى ورال قالاسىنا جانە 193,0 ملن. تەڭگەسى وبلىستاعى 12 اۋدانداعى قۇرىلىسقا جۇم­سالادى. بيىلعى التى اي ىشىندە جوسپارلانعان 842,4 ملن. تەڭگە تولىعىمەن يگەرىلگەن. بۇگىندە تەندەرلەر ءوتىپ، انىقتالعان مەردىگەر كومپانيالار قۇرىلىس جۇمىستارىن باستاپ كەتتى.

- وبلىس تۇرعىندارىن تا­زا سۋمەن قامتۋ باعىتىندا جۇمىستار ءجۇرىپ جاتىر. بيىلعى ەسەپتى مەرزىمدە رەسپۋبليكالىق جانە جەرگىلىكتى بيۋدجەتتەردەن بولىنگەن جوسپارلى  464,8 ملن. تەڭگە 100 پايىز يگەرىلۋى دە قۇرىلىسشىلاردىڭ تىنىمسىز ەڭبەگىنىڭ ناتيجەسى. مىسالعا، بيىل ەلدى مەكەندەردە اۋىز سۋمەن قامتۋدىڭ 11 نىسانىن سالۋ باستالسا، سونىڭ التاۋى وسى جىلى ىسكە قوسىلادى. جىل سوڭىنا دەيىن شامامەن 166,3 شاقىرىم اۋىلدىق سۋ قۇبىرى پايدالانۋعا بەرىلىپ، توعىز مىڭنان استام تۇرعىندار ساپالى سۋعا قول جەتكىزەدى، - دەيدى ءبولىم باستىعى تەمىربولات دوسقازيەۆ.

قاراتوبە جانە تاسقالا اۋ­داندارىندا رەسپۋبليكالىق بيۋدجەت قارجىسى ەسەبىنەن ەكى مەكتەپ پەن 300 ورىندىق مەكتەپ جانىنداعى ينتەرنات ءۇيى قۇرىلىسى جۇرۋدە. ءبىرىنشى جارتىجىلدىققا قارالعان قارجى تولىق يگەرىلدى. قارا­توبە اۋدانىنداعى مەكتەپ مەملەكەتتىك كوميسسيانىڭ قا­بىل­داپ الۋىنا دايىن. الا­ي­دا قاراتوبەلىك جانە تاس­قا­لا­لىق جاڭا مەكتەپتەرگە رەس­پۋبليكالىق، وبلىستىق بيۋد­جەتتەردەن قوسىمشا قارجى ءبولۋ ماسەلەلەرىنىڭ شەشىلمەۋىنە بايلانىستى قاراتوبە اۋىلىنداعى دايىن مەكتەپتى پايدالانۋعا بەرۋ كەيىنگە جىلجىتىلعان.

جەرگىلىكتى بيۋدجەتتەن ءبو­لىنگەن 186,7 ملن. تەڭگەنىڭ 185,8 ملن. تەڭگەسى ءبىرىنشى جارتىجىلدىقتا  (99,4 پايىز) يگەرىلگەن. سونىڭ ىشىندە تەرەكتى اۋدانىنداعى جايىق اۋىلىندا 96 وقۋشى وقيتىن مەكتەپ پايدالانۋعا بەرىلدى. شىڭعىرلاۋدىڭ نوۆوپەتروۆ سەلوسىنداعى 108 ورىندىق مەكتەپ قۇرىلىسى دا اياقتالىپ قالدى. قازىرگى ۋاقىتتا زەلەنوۆ اۋدانىندا يانۆارتسەۆ بالالار ءۇيىنىڭ مونشاسى، جەلاەۆ اۋىلىندا 140 ورىندىق جانە ورالدا سامال كوشەسىندە 320 ورىندىق، قازتالوۆ اۋدانىنىڭ ورتالىعىندا 280 ورىندىق بالا­باقشانىڭ قۇ­رى­لىسى باستالدى. ورالدا بوي كوتەرەتىن 320 ورىندىق بالاباقشا مەن 1200 بالا وقي­تىن مەكتەپتىڭ جوبا­لاۋ جۇمىستارى جۇرۋدە.

بيىل دەنساۋلىق ساقتاۋ نىساندارى قۇرىلىسىنا 8425,4 ملن. تەڭگە قاراستىرىلعان بول­سا، التى ايدا جوسپارلى قارجىنىڭ 96,4 پايىزى، ياعني 5530,7 ملن. تەڭگەنىڭ 5332,9 ملن. تەڭگەسى يگەرىلدى. ورال قالاسىندا اۋىسىمىنا 500 ادامدى قابىلدايتىن ەمحانا مەن تەرەكتى اۋدانىنداعى اقجايىق اۋىلىندا 100 كەرەۋەتتىك اۋداندىق اۋرۋحانا قۇرىلىسى ءبىتىپ، پايدالانۋعا بەرىلدى. پەرەمەتنىي اۋى­لىن­داعى 120 كەرەۋەتتىك اۋداندىق ورتالىق اۋرۋحانا شىلدە ايىندا مەرزىمىنەن بۇرىن ىسكە قوسىلدى. سونىمەن قاتار كرۋگلووزەرنىي اۋىلىندا اۋىسىمىنا 75 ادامدى قابىلدايتىن امبۋلاتوريا قۇرىلىسى جەرگىلىكتى بيۋدجەت ەسەبىنەن ءجۇرىپ جاتىر. جەلاەۆ اۋىلىندا جاڭا امبۋلاتوريا ىسكە قوسىلدى.

مىنە، وبلىس قۇرىلىس­شى­لا­رى­نىڭ تىنىمسىز جۇمىستارى ار­قاسىندا اۋىل-اۋدانداردا جاڭا نىساندار سالىنىپ، حالىققا پايدالانۋعا بەرىلۋدە. جەلتوقسان ايىندا ورالدا 75 پاتەرلىك جالعا بەرىلەتىن تۇرعىن ءۇي قۇرىلىسى (مەردىگەرى «وتدەلستروي» وك) اياقتالادى.  بيىل جىلدىڭ اياعىنا دەيىن ءالى دە ءبىراز قۇرىلىستىڭ جۇمىسى ءبىتىپ، ىسكە قوسىلاتىنى كامىل.

گۇلبارشىن اجىگەرەەۆا.