جارىلىس 22 مامىردا كەشكىسىن امەريكالىق پوپ-جۇلدىز اريانا گراندەنىڭ كونتسەرتىنەن كەيىن بولعان. كونتسەرتكە كەلگەندەر ۇرەيدەن سىرتقا لاپ بەرگەن. ءانشى twitter پاراقشاسىنا "بولعان جايت جانىمدى كۇيزەلتتى" دەپ جازعان.

مانچەستەردىڭ ۆيكتوريا ۆوكزالىنان كۇدىكتى زات تابىلعان. پوليتسيا تابىلعان زاتتى جارعان، بىراق كەيىن بەلگىلى بولعانداي، ول بومبا بولماعان. قاۋىپتى دەگەن ايماقتان ادامداردى شىعارعان. پويىز قوزعالىستارىن دا ۋاقىتشا توقتاتقان.

ۇلىبريتانيا پرەمەر-ءمينيسترى تەرەزا مەي قازا تاپقانداردىڭ تۋىستارىنا كوڭىل ايتتى. وقيعادان كەيىن مەيدىڭ كونسەرۆاتيۆتى پارتياسى مەن وزگە دە ساياسي پارتيالار سايلاۋ كامپانياسىن توقتاتتى.

مانچەستەردەگى تەراكت 2005 جىلعى لوندونداعى جارىلىستان كەيىنگى ەكىنشى ءىرى وقيعا بولىپ وتىر. وندا قوعامدىق كولىكتە تەراكت بولىپ، 52 ادام قازا تاپقان.

اباي-اقپارات