ءسىم ءباسپاسوز حاتشىسى ءانۋار جايناقوۆ قازاقستاننىڭ لوندونداعى ەلشىلىگى جەرگىلىكتى قۇقىق قورعاۋ ورگاندارىمەن ۇنەمى بايلانىستا ەكەنىن حابارلادى.

جارىلىس 22 مامىر كۇنى مانچەستەر قالاسىندا Manchester Arena عيماراتىندا جەرگىلىكتى ساعات 22 شاماسىندا امەريكالىق پوپ ءانشى اريانا گراندەنىڭ كونتسەرتى اياقتالعان كەزدە بولعان. سوڭعى مالىمەت بويىنشا، جارىلىستان 19 ادام قازا تاۋىپ، 50-دەن استام ادام جارالاندى.

ءسىم مالىمەتى بويىنشا، كونتسەرتكە قازاقستاندىق التى ستۋدەنت بارعان. "ديپلوماتتارىمىز ولارعا ەشنارسە بولماعانىن، دارىگەر كومەگى قاجەت ەمەس ەكەنىن جانە باسقا دا سەرىكتەرىمەن بىرگە تۇراتىن جەرلەرىنە امان-ەسەن جەتىپ العانىن راستادى" دەپ جازدى جايناقوۆ Facebook-تە.

ول ءسىم ۇلىبريتانياداعى قازاقستان ازاماتتارىنا قاۋىپسىزدىك شارالارىن ساقتاۋ تۋرالى ەسكەرتۋ جاسالعانىن ايتتى. ەلشىلىكتىڭ كونسۋلدىق بولىمىندە +44 (0) 7447470570 ءنومىرى بويىنشا شۇعىل جەلى اشىلعان. ءسىم قازاقستاندىقتاردى مانچەستەردە جۇرگەن تۋىستارى، جاقىندارى جانە جاقىندارى بولسا حابارلاسىپ، امان-ەسەندىگىن ءبىلۋدى سۇرايدى.

اباي-اقپارات