بۇگىن قىتاي ءوز تاريحىنداعى ەڭ ۇلكەن قادامنىڭ ءبىرىن جاسادى. ول ء"بىر بەلدەۋ-ءبىر باعىت" اتتى ەكونوميكالىق دامۋ جوسپارى.

اتالمىش جوبانى ۇسىنۋ ارقىلى قىتاي الەمدىك گەگەموندىققا ۇمتىلاتىنىن انىق بايقاتتى. ويتكەنى بۇل جوبا ەكى ءىرى باعىتتان تۇرادى. ولار: "قۇرلىقتىق ەكونوميكالىق جىبەك جولى" جانە "21 عاسىرداعى مۇحيتتىق جىبەك جولى" اتتى قوس باعىت. جوبا شىنايى تۇرعىدان جۇزەگە اسسا الەم حالقىنىڭ 63% قامتىپ، جىلدىق قارجى تابىسى 21 ترلن دوللارعا جەتۋى مۇمكىن.

اسا ۇلكەن امبيتسيا. اناۋ-مىناۋ ايتسا كۇلەر ەدىك، بىراق قىتايدىڭ بۇل جوبانى اسىرۋعا مۇمكىندىگى دە، نيەتى دە جەتەرلىك. بىراق ءبىر عانا سۇراق: اسىرۋعا مۇمكىندىك بەرە مە؟ مەنىڭ ويىمشا اقش بۇل جوباعا كوز جۇمىپ قاراپ وتىرمايدى. ويتكەنى بۇل تەك قانا اقش ەكونوميكاسىنا عانا ەمەس، ونىڭ الەمدىك ۇستەمدىگىنە تونەتىن ۇلكەن قاۋىپ. بۇل تىكەلەي دوللارعا سوققى جاسايتىن قاتەرلى قىتايلىق قادام. نەگە دەسەڭىز، قىتاي بۇل جوبانى ءساتتى جۇزەگە اسىرسا، وندا ءوزى ساۋدا جاسايتىن الگى الەم حالقىنىڭ 63%-مەن ساۋدا قاتىناسىن يۋاندا جۇرگىزەتىن بولادى دەگەن ءسوز. ول ساتتە دوللار ءوزى-اق ەكىنشى پوزيتسياعا ءتۇسىپ قالار ەدى. ونداي جاعدايعا اپاراتىن جوباعا ۆاشينگتون اۋزىن اشىپ قاراپ وتىرماسى انىق. سوندىقتان جاقىن ارادا ۇلكەن ساياسي شەشىمدەر قابىلدانسا تاڭ قالمايمىن. مىسالى سۋار(ۇيعىر اۆتونومياسى) قايتا تۇراقسىزدانسا نەمەسە تيبەت ايماعى ءبىر تىپىرشىسا، تايۆانعا اقش قارۋى كەلىپ جەتسە، ءتىپتى پەكينمەن شەكتەسەتىن سولتۇستىك كورەياعا سوققى جاسالسا تاڭدانباڭىز.

اسحات حاسەنعالي

Facbook-تەگى پاراقشاسىنان