ازاتتىقتىڭ اشحابادتاعى ءتىلشىسى امانمىرات بۋگاەۆتىڭ حابارلاۋىنشا، 8-9 مامىر - رەسمي مەرەكە كۇندەرى بولسا دا، ورتا مەكتەپ مۇعالىمدەرى مەن بالا باقشا تاربيەشىلەرىن جۇمىسقا شىعۋعا ماجبۇرلەدى.

ونىڭ ايتۋىنشا، كەيبىر مەكتەپتەردىڭ مۇعالىمدەرى وليمپ قالاشىعىنىڭ ماڭىنداعى اۋماقتى جيناستىرىپ ءجۇر. شاعىن اۋداندارداعى مەكتەپتەردىڭ ۇستازدار قاۋىمى كوشە سىپىرىپ، ارام ءشوپ جۇلىپ، ارتىقتاردى تازارتتى.

تۇركىمەنستان استاناسىنداعى سەنبىلىكتەر بيىل 17-27 قىركۇيەكتە اشحابادتا وتەتىن ازيا ويىندارىنا دايىندىق اياسىندا ۇيىمداسترىلدى.

وليمپ قالاشىعى دا حالىقارالىق جارىس قارساڭىندا تۇرعىزىلدى. مەملەكەت ونىڭ قۇرىلىسىنا 5 ملرد دوللار، ال جاڭا حالىقارالىق اۋەجاي سالۋعا 2,3 ملرد دوللار جۇمسادى.

اباي-اقپارات