تاشكەنتتەگى فارحاد بازارىندا كارتوپتىڭ ءبىر كەلىسى 7 مىڭ سومنان ساتىلىپ جاتىر، ال ميراباد بازارىندا ونىڭ باعاسى 8 مىڭ سومعا (شامامەن 1 دوللار) كوتەرىلگەن. 2016 جىلى 6 جەلتوقساندا ءبىر كەلى كارتوپ باعاسى 3 مىڭ سوم بولcا، سودان ەكى اپتا بۇرىن ول 1,5 سىم سومعا ساۋدالانعان.

وزبەكستاننىڭ كەيبىر وبلىستارىندا جەرگىلىكتى اكىمشىلىكتەر ورتالىق بازارلار ماڭىندا كوشپەلى دۇكەن ۇيىمداستىردى. مۇندا "الەۋمەتتىك كارتوپتى" ارزانعا ساتىپ الۋعا بولادى. وسىنداي ارەكەتتەردىڭ ءوزى كارتوپ باعاسىنىڭ كوتەرىلۋىن تەجەي الماي وتىر.

وزبەكستاندا باعانىڭ قىمباتتاۋىن كوكتەمنىڭ سوڭعى ايىنىڭ باستالۋىمەن جانە وتكەن جىلعى ەگىستىكتىكتىڭ از بولۋىمەن بايلانىستىرادى. 2016 جىلى ەلدە 2,6 ملن توننا كارتوپ جينالعان.

وزبەكستان بيلىگى 2020 جىلعا دەيىن كارتوپ ءوندىرىسىن 3,6 ملن تونناعا كوبەيتۋدى كوزدەپ وتىر.

اباي-اقپارات