كوميتەت ماماندارى وسىنداي تالاپتار ەنگىزۋگە ناقتى سەبەپتەر جەتەرلىك دەپ وتىر. مەكەمە وكىلى سۋحروب اكبارشونىڭ ايتۋىنشا، بۇل ەرەجەلەر تازالىق پەن سپورت گيگيەناسىن ساقتاۋ ماقساتىندا ەگىزىلگەن. "ۇزىن شاش پەن ساقال ارقىلى ينفەكتسيالىق اۋرۋلار تارالماس ءۇشىن دە وسىنداي ەرەجە ۇسىنىلدى. ال ساتر ("ساتر" - حيدجابتىڭ ءبىر ءتۇرى) سپورتتىڭ كەيبىر تۇرلەرىندە جارىسقا كەدەرگى كەلتىرەدى", - دەدى ول.

سپورتشىلاردىڭ ەتيكالىق كودەكس جوباسىن تالقىلاۋ كەزىندە مامانداردىڭ ۇسىنىستارى مەن پىكىرلەرى ەسكەرىلەدى، ونىڭ ەرەجەلەرىن سپورتشىلار مەن باپكەرلەر ساقتاۋى مىندەتتى.

سپورتشىلار ءۇشىن ەتيكالىق كودەكس دايىنداۋ ماسەلەسى بيىل 23 ناۋرىزدا كۇرەس جارىسىندا كوتەرىلگەن. سول كەزدە كومرونشوح ۋستوپيريون ەبەدەيسىز قىلىق كورسەتكەنى ءۇشىن ەكى جىلعا سپورتتان شەتتەتىلدى.

بىرنەشە جىل بۇرىن "حايرا" كلۋبىنىڭ فۋتبولشىسى پاۆريز تۇرسىنوۆتى ساقالى ءۇشىن ويىنعا قوسپاي قويدى. سول كەزدە تاجىك قوعامى مۇنداي تىيىمدى سىناعان ەدى.

اباي-اقپارات